ஆசிரியர்கள் கவன ஈர்ப்பு போராட்டம்:

ஆசிரியர்கள் கவன ஈர்ப்பு போராட்டம்:

பழைய ஓய்வூதியத் திட்டத்தை அமல்படுத்தக் கோரி நெல்லை மாவட்ட முதன்மை கல்வி அலுவலகம் முன்பு ஆசிரியர்கள் கவன ஈர்ப்பு ஆர்ப்பாட்டம் நடத்தினர்.

அனைத்திந்திய ஆசிரியர் பேரவை மற்றும் ஆசிரியர்கள் நல சங்கம் சார்பில் நெல்லை மாவட்ட முதன்மை கல்வி அலுவலகம் முன்பு பழைய ஓய்வூதிய திட்டத்தை அமல்படுத்த கோரி கவன ஈர்ப்பு ஆர்ப்பாட்டத்தில் ஈடுபட்டனர். இந்த ஆர்ப்பாட்டத்தின் போது ஆசிரியர்கள் கூறியதாவது:- 

நெல்லையில் டி.டி.டி.ஏ.நிர்வாகத்தின் கீழ் பணி புரியும் பள்ளிகளில் தகுதி தேர்வில் தேர்ச்சி பெற்று பல வருடங்களாக பெரும்பாலான ஆசிரியர்கள் ஊதியம் இன்றி பணிபுரிந்து வருகின்றனர். அவர்களுக்கு ஊதியம் வழங்க நடவடிக்கை எடுக்க வேண்டும். 

பழைய ஓய்வூதியம் கடந்த 2004-ம் ஆண்டு முதல் தொகுப்பூதியத்தில் பணியமர்த்தப்பட்டு பின்னர் 2006-ம் ஆண்டு எங்களுக்கு காலமுறை ஊதியம் வரப்பெற்றது. அந்த தொகுப்பூதிய காலத்தினை பணிக்காலமாக சேர்த்திட வேண்டும். நெல்லை மாவட்டத்தில் சமீபத்தில் நடைபெற்ற ஒன்றியம் விட்டு ஒன்றியம் மாறும் கலந்தாய்வினை ரத்து செய்ய வேண்டும். மேலும் பழைய ஓய்வூதிய திட்டத்தினை அமல்படுத்த வேண்டும். இவ்வாறு அவர்கள் கூறினர்.

நமதுநிருபர்- M.முஹம்மது நியாஸ் - .திருச்சி