அனைவருக்கும் வாழ்த்துக்கள்
Articles by "தகவல்கள்"
தகவல்கள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அனைவருக்கும் வாழ்த்துக்கள்
தோல் நோய் மற்றும் தலைமுடி
இலவச பரிசோதனை முகாம்
என் லைப் தோல் கிளினிக் & Nax லைப் சயின்ஸ் இணைந்து நடத்தும் இலவச தோல் நோய் மருத்துவ ஆலோசனை மற்றும் தலைமுடி பரிசோதனை முகாம்..
மருத்துவர் : V. நவீன் பாபு
நாள்: அக்டோபர் 13 முதல் 19 வரை (7 நாட்கள் மட்டும்)
நேரம் : காலை 10 மணி முதல் மாலை 6 மணி வரை
இடம்: Nax Enclave, தில்லைநகர், திருச்சி.
முன்பதிவு அவசியம் :
9047466613 / 0431 7967922/ 8940166613 / 8940266613
காவல்துறையின் ஆட்சேபனை
சான்றை பெற புதிய வழி
மத்திய வெளியுறவு அமைச்சகம் சார்பில் பொதுமக்களுக்கு உதவும் வகையில் காவல் துறையின் ஆட்சேபனையில்லா சான்று வழங்குவதற்கான நடைமுறை எளிமைப்படுத்தபட்டுள்ளது.
இதன்படி காவல் துறையின் ஆட்சேபனையில்லா சான்றை அஞ்சல் நிலையங்களில் இயங்கும் பாஸ்போர்ட் சேவை மையங்களில் ஆன்லைன் மூலம் விண்ணப்பித்து பெற முடியும்.வரும் செப்டம்பர் 28 ஆம் தேதி முதல் இந்த நடைமுறை அமலுக்கு வரும் என தெரிவிக்கப்பட்டுள்ளது.
மேலும், அஞ்சல் நிலைய பாஸ்போர்ட் சேவை மையங்களில் வர உள்ள இந்த வசதி விண்ணப்ப தார்ர்களுக்கு வெளிநாட்டில் கல்வி, வேலைவாய்ப்பு ஆகியவற்றிற்கு உத்தரவாதம் தராது எனவும், மேலும் காவல் துறையின் ஆட்சேபனையில்லா சான்று குறித்த பிரச்சினைகளை தீர்க்க மட்டுமே உதவும் எனவும் சென்னை மண்டல துணை பாஸ்போர்ட் அதிகாரி எஸ். ரவிக்குமார் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
வன உயிரின வார விழா
ஆன்லைன் போட்டி
திருச்சி வனக்கோட்டம் சார்பில் வன உயிரின வார விழா அக்டோபர் மாதம் மூன்றாம் தேதி முதல் எட்டாம் தேதி வரை கொண்டாடப்பட உள்ளது.
இதை முன்னிட்டு பள்ளி,கல்லூரி மாணவ மாணவிகளுக்கு கட்டுரை,பேச்சு மற்றும் ஓவிய போட்டிகள் ஆன்லைனில் நடக்கிறது முதல் கட்டமாக கட்டுரை போட்டி இனறு தொடங்குகிறது.
ஒன்பதாம் வகுப்பு முதல் +2 மாணவ மாணவிகள் வண்ணத்துப்பூச்சி மற்றும் அதன் முக்கியத்துவம் என்ற தலைப்பில் கல்லூரி மாணவர்கள் "உயிரியல் பூங்கா மற்றும் பல்லுயிர் பெருக்க பாதுகாப்பு என்ற தலைப்பிலும் கட்டுரைகள் எழுதலாம்.
கட்டுரை எழுதும் தாளில் வலது ஓரத்தில் மாணவர் பெயர், செல்போன், பள்ளி பெயர் மாற்றுத்திறனாளி மாணவர்கள் அதற்கான அடையாள அட்டை ஆகியவற்றுடன் இன்று முதல் 24 ஆம் தேதி மாலை 5. 40 வரை தங்களது பதிவுகளை foresttrichy@gmail.com என்ற இ-மெயில் முகவரிக்கும், 9789967171என்ற whatsapp எண்ணிலும் பதிவு செய்யலாம்.
பேச்சுப் போட்டிக்கு எல்கேஜி முதல் வகுப்பு, இரண்டு முதல் ஐந்தாம் வகுப்பு ,ஆறு முதல் எட்டாம் வகுப்பு மாணவ மாணவிகள் மூன்று பிரிவுகளாக "வன உயிரினங்களை பாதுகாத்தலின் அவசியம் என்ற தலைப்பில்.
ஒன்பதாம் வகுப்பு முதல் 12 வரை, கல்லூரி மாணவர்கள் மாற்றுத்திறனாளிகள் எனும் மூன்று பிரிவுகளில் மனித/வன உயிர் மோதல் மற்றும் கட்டுப்படுத்துதல் நடவடிக்கைகள் என்ற தலைப்பில் தமிழ் அல்லது ஆங்கிலத்தில் ஐந்து நிமிடங்களுக்குள் பேசி குறைந்தபட்சம் 20 எம்பி அளவுள்ள வீடியோவாக 24 ஆம் தேதிக்குள் அனுப்ப வேண்டும்.
இதே வரிசையில் மூன்று முதல் மூன்று பிரிவுகள் வன உயிரின பாதுகாப்பு என்ற தலைப்பிலும் இரண்டாவது மூன்றாவது பிரிவினர் காலநிலை மாற்றம் மற்றும் வன உயிரினம் என்ற தலைப்பிலும் ஓவியங்களில் வரைந்து ஜேபிஇஜி ஃபைலாக மாணவர் பெயர், வகுப்பு, பள்ளி, செல்போன்௭ண், மாணவர் அடையாள அட்டை உள்ளிட்ட விவரங்களுடன் இமெயில்,வாட்ஸப்பில் 24ஆம் தேதிக்குள் அனுப்ப வேண்டும்
இத்தகவலை மாவட்ட வன அலுவலர் கிரண் தெரிவித்துள்ளார்.
நமதுநிருபர்- K.ஷாகுல் ஹமீது - திருச்சி
TALAM SHOP வழங்கும்
உற்பத்தியாளர்களின் மாபெரும்
நேரடி நுகர்வோர் பொருட்காட்சி
.jpeg)
TALAM SHOP வழங்கும் தமிழக சிறு குறு உற்பத்தியாளர்களின் நேரடி விற்பனை பொருட்காட்சி கலைஞர் அறிவாலயத்தில் இன்று தொடங்கியது. இந்த பொருட்காட்சியை திருச்சி மாநகராட்சி மேயர் அன்பழகன் குத்துவிளக்கேற்றி தொடங்கி வைத்தார்.
இந்த பொருட்காட்சியில் 50 உற்பத்தியாளர்கள் மற்றும் உணவுப் பொருள்கள் கைவினைப் பொருள்கள் அழகு சாதனப் பொருள்கள் வீட்டு உபயோகப் பொருட்கள் என 500 பொருட்கள் காட்சிப் படுத்தப் பட்டிருந்தன.
இதில் குறிப்பாக பெண்களுக்கான சிறப்பு சமையல் போட்டி நடைபெற்றது. சிறப்பு விருந்தினர் சன்.டி.வி மாஸ்டர் சீஃப் டைட்டில் வின்னர் தேவகி, அடுப்பில்லா சமையல் ஆரோக்கியத்துக்கான முதல் வழி குறித்து எடுத்துரைத்தார்.
மேலும் குழந்தைகளுக்கான உள் விளையாட்டுப் போட்டிகள் நடைபெற்றன. இதில் வெற்றி பெற்ற அனைத்து குழந்தைகளுக்கும் சான்றிதழ்களுடன் பரிசுகள் வழங்கப்பட்டது. தொடர்ந்து ஜெயரங்கா ஆயுஷ் மருத்துவமனை சார்பில் மாபெரும் இலவச மருத்துவ முகாம் நடைபெற்றது.
இப்பொருட் காட்சியில் பொருள்கள் வாங்கும் ஒரு நபருக்கு குலுக்கல் முறையில் ஒரு குடும்பத்திற்கான பத்தாயிரம் ரூபாய் மதிப்புள்ள கேரளா டூர் பாக்கேஜ் வழங்கப்பட்டது.
இதுவரை நாம் பயன்படுத்திடாத பலவகையான ஆரோக்கியத்திற்கு தேவையான பொருட்கள், புதுமையான பொருட்கள் உங்கள் நிறுவன பெயரில் விற்கவும், சில்லறையாகவும், மொத்தமாகவும் மற்றும் ஏற்றுமதி செய்யப்பட்டது.
சாது மிரண்டால்…
மாடு மிரண்டால்…
நமது நிருபர் - சென்னை ஷேக் அப்துல்லா
குறைந்த விலையில்
நீரிழிவு நோய்க்கான மருந்து
நீரிழிவு நோய்க்கான சிட்டாகிளிப்டின் மருந்து மக்கள் மருந்தகங்களில் குறைந்த விலையில் கிடைக்கிறது
நீரிழிவு நோய்க்கான சிட்டாகிளிப்டின் மருந்தின் பல்வேறு வகையான கலவையில் பிரதமரின் பாரதீய மக்கள் மருந்து திட்டத்தின் கீழ் குறைந்த விலையில் விற்பனை செய்யப்படுகிறது. இந்த புதிய கலவை மருந்தை இந்திய பார்மசூட்டிகல்ஸ் மற்றும் மருத்துவ உபகரணங்கள் பிரிவின் தலைமை செயல் அதிகாரி திரு.ரவி தாதிச் அறிமுகம் செய்து வைத்தார். சிட்டாகிளிப்டின் அதன் வெவ்வேறு வகை கலவையில் அனைத்து மக்கள் மருந்தகங்களிலும், குறைந்த விலையில் கிடைக்கும். சிட்டாகிளிப்டின் பாஸ்பேட் ஐபி-50 மி.கி. 10 மாத்திரைகளை கொண்ட அட்டை ரூ. 60க்கும், 100 மி.கி. அட்டை ரூ.100-க்கும், சிட்டாகிளிப்டின் மெட்பார்மின் ஹைட்ரோகுளோரைடு 50 மி.கி./500 மி.கி. மாத்திரை (10 கொண்ட அட்டை) ரூ.65-க்கும், சிட்டாகிளிப்டின் மெட்பார்மின் ஹைட்ரோகுளோரைடு 50 மி.கி./1000 மி.கி. மாத்திரை (10 கொண்ட அட்டை) ரூ.70-க்கும் கிடைக்கிறது. நீரிழிவு நோய்க்கு மிகவும் சிறந்த மருந்தான இது மற்ற மருந்து கடைகளை விட மக்கள் மருந்து கடைகளில் குறைவான விலைக்கு கிடைக்கிறது. பிரதமர் பாரதீய மக்கள் மருந்து திட்டத்தின் கீழ் நாடு முழுவதும் 8,700-க்கும் மேற்பட்ட மக்கள் மருந்து மையங்கள் திறக்கப்பட்டுள்ளன. இந்த மையங்களில் தரமான மரபுசார் மருந்துகளும், அறுவை சிகிச்சை உபகரணங்களும் மற்ற பொருட்களும் விற்பனை செய்யப்படுகின்றன. தற்போது இந்த கடைகளில் 1600-க்கும் மேற்பட்ட மருந்துகளும், 250 அறுவை சிகிச்சை உபகரணங்களும் கிடைக்கின்றன.
பார்வையாளர்கள் தினம் கொண்டாட்டம் பொதுமக்கள் பார்வையிட அனுமதி
காரைக்குடி மத்திய மின்வேதியியல் ஆய்வகத்தில் பார்வையாளர்கள் தினம் கொண்டாட்டம் ஆய்வகத்தை பொதுமக்கள் இலவசமாக பார்வையிட அனுமதி
மத்திய அறிவியல் மற்றும் தொழில்நுட்ப அமைச்சகத்தின் கீழ் புதுடில்லியில் இயங்கி வரும் சிஎஸ்ஐஆர் எனப்படும் அறிவியல் மற்றும் தொழிலக ஆய்வுக் குழுமத்திற்கு கடந்த 1942 ஆம் ஆண்டு செப்டம்பர் மாதம் 26 ஆம் தேதி அன்று அடிக்கல் நாட்டப்பட்டது.
இந்த தினத்தை நினைவு கூரும் வகையில், காரைக்குடி மத்திய மின்வேதியியல் ஆய்வகம் சார்பில் வரும் செப்டம்பர் 26 ஆம் தேதி பார்வையாளர்கள் தினமாக கொண்டாடப்பட உள்ளது.
இதை முன்னிட்டு அன்றைய தினம் காலை 9.30 மணி முதல் மாலை 4.30 மணி வரை பள்ளி, கல்லூரி மாணவ, மாணவிகள் மற்றும் அனைத்து பொதுமக்களும் காரைக்குடி மத்திய மின்வேதியியல் ஆய்வகம் ஆராய்ச்சிகள் மற்றும் கண்டுபிடிப்புகளை இலவசமாக நேரடியாக கண்டுகளிக்கலாம்.
மேலும் அன்றைய தினம், நவீன தொழில்நுட்பத்தால் தயாரான காரீய அமில பேட்டரி மற்றும் லித்தியம்அயன் பேட்டரியில் இயங்கும் ரிக்ஷா, ஸ்கூட்டர், சைக்கிள் ஆகியவற்றின் மாதிரிகள் காட்சிப்படுத்தப்பட உள்ளது.
மேலும், தண்ணீரில் இருந்து உற்பத்தி செய்யப்படும் பசுமை எரிசக்தி ஹைட்ரஜன் உற்பத்தி, மின்மூலாம்பூசுதல் ஆகிய பல்வேறு துறைகளில் கண்டுபிடிக்கப்பட்ட ஆராய்ச்சிகளின் மாதிரிகள் செயல்விளக்க முறைகள் பார்வையாளர்களுக்கு விளக்கப்படவுள்ளது.
மேலும், பார்வையாளர்கள் வந்து செல்வதற்கு ஏதுவாக காரைக்குடி பழைய மற்றும் புதிய பேருந்து நிலையத்திலிருந்து சிறப்பு பேருந்து வசதி ஏற்பாடு செய்யப்பட்டுள்ளது.
மாணவ, மாணவிகள் மற்றும் பொதுமக்கள் இந்த வாய்ப்பினை பயன்படுத்தி மத்திய மின்வேதியியல் ஆய்வகத்தின் கண்டுபிடிப்புகளையும் தொழில்நுட்பங்களையும் கண்டுகளித்து மற்றவர்களுக்கும் அறிவியல் விழிப்புணர்வை ஏற்படுத்த வேண்டும்.
மேலும் விவரங்களுக்கு தொலைபேசி 04565-241470, 241474, 241204 மற்றும் அலைபேசி 9994614582, 9443609776, 7598449117 எண்களில் தொடர்பு கொள்ளலாம்.
இவ்வாறு காரைக்குடி மத்திய மின்வேதியியல் ஆய்வகம் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
அஞ்சலக குறை தீர்வு முகாம்
11.08.2022 அன்று நடைபெறவிருந்த வட்ட அளவிலான வாடிக்கையாளர் குறை தீர்க்கும் முகாம், 29.09.2022 (வியாழன்) அன்று காலை 10.30 மணிக்கு முதன்மை அஞ்சல் துறைத் தலைவர் அலுவலகம், தமிழ்நாடு வட்டம், சென்னை - 600 002 என்ற முகவரியில் நடைபெற உள்ளது என தமிழ்நாடு வட்ட முதன்மை அஞ்சல் துறைத் தலைவர் வெளியிட்டுள்ள செய்திக் குறிப்பில் தெரிவிக்கப்பட்டுள்ளது.
மத்திய அரசு பணி
ரூ.31000/- சம்பளம்
விண்ணப்பிக்க கடைசி தேதி 14.10.2022
தமிழக DRDO CVRDE வேலைவாய்ப்பு 2022 – ரூ.31000/- சம்பளம்.DRDO காம்பாட் வெஹிக்கிள்ஸ் ரிசர்ச் & டெவலப்மென்ட் எஸ்டாபிளிஷ்மென்ட் (CVRDE), சென்னை ஆனது ஜூனியர் ரிசர்ச் பெல்லோஷிப் (JRF) பணியிடங்களை நிரப்புவதற்கான அறிவிப்பை வெளியிட்டுள்ளது.
DRDO CVRDE ஆவடி மூலம் 17 காலியிடங்கள் நிரப்பப்பட உள்ளன. இப்பணிக்கு தகுதியானவர்களிடமிருந்து ஆன்லைன் முறையில் விண்ணப்பங்கள் வரவேற்கப் படுகின்றன.
மத்திய அரசு பணி தேடும் நபர்கள் இந்த வாய்ப்பை தவற விடாமல் பயன்படுத்துமாறு கேட்டுக் கொள்ளப் படுகிறது.
விண்ணப்பிக்க கடைசி தேதி: 14.10.2022
கல்வி தகுதி: B.E/ B.Tech/ M.E/ M.Tech தேர்ச்சி
வயது வரம்பு: அதிகபட்சம் 28
APPLY ONLINE LINK:https://rac.gov.in/index.php?
3 கோடி பரிசுத்தொகைக்கு
ஆசைப்பட்டு 6 லட்சத்தை இழந்த
திருச்சி முதியவர்
திருச்சி மாவட்டம் சோமனசம்பேட்டை அளவுக்கு பகுதியை சேர்ந்தவர் நிர்மல் குமார் (67). இவர் அதே பகுதியில் லேத்து பட்டறை வைத்து நடத்தி வருகிறார். கடந்த மாதம் நான்காம் தேதி நிர்மல் குமாரின் செல்போன் எண்ணுக்கு ஒரு எஸ்எம்எஸ் வந்தது. அதில் பிரபல செல்போன் நிறுவனத்தின் பெயரில் வந்த அந்த எஸ்எம்எஸ் உங்களது செல்போன் எண்ணுக்கு மூன்று கோடி மதிப்பில் வெளிநாட்டு பணம் பரிசு விழுந்து உள்ளது.அதை பெற கீழ்க்கண்ட ஈமெயில் மற்றும் செல்போன் நம்பரை தொடர்பு கொள்ளவும் என்று கூறப்பட்டிருந்தது.
இதை பார்த்து மகிழ்ச்சி அடைந்த அவர் உடனடியாக அதில் குறிப்பிட்டு இருந்த செல்போன் என்னை தொடர்பு கொண்டு பேசினார். அப்போது எதிர் முனையில் பேசிய நபர் பரிசுத்தொகை வெளிநாட்டு பணம் என்பதால் அதை இந்தியாவுக்குள் கொண்டுவர ரிசர்வ் வங்கி, உலக வங்கி ஆகியவற்றிடம் அனுமதி வாங்க வேண்டும், அத்துடன் ஜிஎஸ்டி பதிவு செலவு ஆகியவை உள்ளது என்று தெரிவித்து மூன்று வங்கி கணக்குகளை கூறி அதற்கு 6 லட்சம் அனுப்பும்படி கூறியுள்ளார்.
இதை நம்பிய நிர்மல் குமார் அந்த வங்கி கணக்குகளுக்கு மொத்தம் ஆறு லட்சத்தை அனுப்பி உள்ளார். இதனை தொடர்ந்து அவருக்கு ஒரு தபால் வந்தது அதில் பேங்க் ஆஃப் இங்கிலாந்து என்ற பெயரில் ஒரு ஏடிஎம் கார்டு இருந்தது. தபால் அவருடைய கைக்கு கிடைத்தது அறிந்து கொண்ட அந்த கும்பல் நிர்மல் குமாரை தொடர்பு கொண்டு தற்பொழுது உங்களுக்கு அனுப்பி வைக்கப்பட்டுள்ள ஏடிஎம் கார்டு மூலம் பரிசுத் தொகையை எடுத்துக் கொள்ளலாம். ஆனால் பரிசுத்தொகையை பெரிய தொகை என்பதால் அதை விடுவிக்க மேலும் 7 லட்சம் செலுத்த வேண்டும் என்று கூறினர். ஆனால் நிர்மல் குமாரிடம் பணம் இல்லாததால் நடந்த விபரங்களை கூறி நண்பர் ஒருவரிடம் ஏழு லட்சம் கடன் கேட்டுள்ளார்.
அவர் நிர்மல் குமார் மோசடி கும்பலிடம் சிக்கி இருப்பதை உணர்ந்து அவருக்கு ஆலோசனைகளை கூறி மேற்கொண்டு பணத்தை செலுத்த வேண்டாம் என்று அறிவுரை வழங்கினார். மேலும் இதுபற்றி சைபர் க்ரைம் போலீசில் புகார் அளித்துள்ளார்.
இதைத் தொடர்ந்து திருச்சி மாவட்ட சைபர் க்ரைம் காவல் நிலையத்தில் நிர்மல்ராஜ் புகார் அளித்தார். அதன் பெயரில் காவல் ஆய்வாளர் அன்பு செல்வன் வழக்கு பதிவு செய்து விசாரணை நடத்தினர். முதற்கட்ட விசாரணையில் வட மாநிலத்தை சேர்ந்த ஆன்லைன் மோசடி கும்பல் தான் நிர்மல் குமார் ஏமாற்றி ஆறு லட்சத்தை மோசடி செய்தது தெரியவந்தது.
சமூகப் பணியாற்ற
நாம் இறைவனால்
தேர்ந்தெடுக்கப் பட்டவர்கள்
K.M.காதர் மொஹிதீன்
 |
| IUML தேசியத் தலைவர் K.M.காதர் மொஹிதீன் |
சமூகப் பணியாற்ற நாம் இறைவனால்
தேர்ந்தெடுக்கப் பட்டவர்கள்.
நம்மைத் தேர்ந்தெடுத்த இறைவனுக்கு
நாம் செய்யும் நன்றி, எவ்வித
எதிர்பார்ப்புமன்றி, மனிதத்திற்காக,
மனித சமூகத்திற்காக உழைப்பதே...
இவ்வாறு இந்திய யூனியன் முஸ்லிம் லீக் தொண்டர்களுக்கு
தேசியத் தலைவர் K.M.காதர் மொஹிதீன் M.A.,Ex M.P. உரைத்துள்ளார்.
அண்ணா பிறந்த தினம்
கே.நவாஸ்கனி M.P புகழாரம்
உணர்வில் கலந்த நம் தாய் மண்ணிற்கு தமிழ்நாடு என பெயர் பெற்று தந்த தமிழக அரசியல் வரலாற்றின் சகாப்தம் பேரறிஞர் அண்ணாவின் பிறந்த தினம் இன்று.,
ஒன்றே குலம் ஒருவனே தேவன் என முழங்கி நல்லிணக்கத்தின் வழிநின்று திராவிட அரசியலை உயர்த்தி பிடித்த சிறப்பு அண்ணாவிற்கே சாரும்.
தமிழக அரசியல் வரலாற்றில் திராவிட கட்சிகளுக்கும் முஸ்லிம் லீகிற்கும் ஒரு தவிர்க்க இயலா பந்தம் உண்டு.
அது அன்றைய திராவிட கட்சியை கட்டமைத்த பேரறிஞர் அண்ணாவும், முஸ்லிம் லீக்கை கட்டமைத்த கண்ணியத்திற்குரிய காயிதே மில்லத் அவர்கள் தொடங்கி இன்று வரை நீள்கிறது.
அறிஞர் அண்ணாவை பேரறிஞர் அண்ணா என பிரகடனப்படுத்திய வரலாறு எங்களுடைய தலைவர் கண்ணியத்திற்குரிய காயிதேமில்லத் அவர்களுக்கு உண்டு.
1949 களிலேயே ஹிந்தி திணிப்பை எதிர்த்தும், தமிழ் மொழியின் பெருமையையும் அரசியல் நிர்ணய சபையில் பேசிய கண்ணியத்திற்குரிய காயிதே மில்லத்-ஐ,
எங்களுடைய பிரதிநிதிகள் இருந்தால் என்ன பேசி இருப்போமோ, அதையே காயிதேமில்லத் பேசினார் என்று திராவிட இயக்க தலைவர்கள் வியந்து போற்றிய வரலாறும் உண்டு.
இவ்வாறு இந்திய யூனியன் முஸ்லிம் லீக் மாநில துணைத் தலைவர் கே. நவாஸ்கனி M.P., அண்ணாவிற்கு புகழாரம் சூட்டியுள்ளார்.
காவேரி பாலம்
போக்குவரத்து மாற்றம்
.jpeg)
திருச்சிராப்பள்ளி சத்திரம் பேருந்து நிலையத்திலிருந்து ஸ்ரீரங்கம், திருவானைக்கோவில் செல்லும் வழியில் உள்ள காவிரி ஆற்றின் குறுக்கே கட்டப்பட்ட காவிரிப் பாலத்தில் பராமரிப்புப் பணிகள் மேற்கொள்ளப் படவுள்ளதை யொட்டி இப்பணிகள் மேற்கொள்ள 5 மாத காலம் ஆகுமாதலால், மேற்படி காவிரிப் பாலத்தின் மேல் செல்லும் வாகனங்களின் போக்குவரத்தை வருகின்ற 10.09.2022 சனிக்கிழமை இரவு 12 மணி முதல் கீழ்காணும் மாற்றுப் பாதையில் செல்லும் வகையில் மாற்றியமைக்கப் பட்டுள்ளது.
திருச்சி சத்திரம் பேருந்து நிலையம் முதல் அண்ணாசிலை வழியாக ஸ்ரீரங்கம் செல்ல காவிரிப் பாலத்திற்கு முன்னதாக உள்ள ரயில்வே மேம்பாலத் திலிருந்து ஓயாமரி வழியாக (காவிரி தென் கரை சாலை) சென்று இடதுபுறம் திரும்பி சென்னை பைபாஸ் சாலை (சென்னை - திருச்சி - திண்டுக்கல் சாலை) பழைய பாலத்தின் வழியாகச் சென்று இடதுபுறம் திரும்பி கும்பகோணத்தான் சாலை (காவிரி இடது கரை சாலை) வழியாக ரயில்வே மேம்பாலம் ஏறி திருவானைக்கோவில் அடைந்து ஸ்ரீரங்கம் செல்லலாம்.
ஸ்ரீரங்கம் ராஜகோபுரத்திலிருந்து இடதுபுறம் உள்ள திருவானைக்கோவில் செல்லும் சாலையில் ரயில்வே மேம்பாலத்தின் வழியாக திருவானைக்கோவில் வந்தடைந்து வலதுபுறம் திரும்பி ட்ரங்க் சாலை வழியாக ரயில்வே மேம்பாலம் ஏறி இடதுபுறம் திரும்பி கும்பகோணத்தான் சாலை வழியாக வந்து திரும்பி சென்னை பைபாஸ் சாலை (சென்னை - திருச்சி - திண்டுக்கல் - சாலை) பழைய பாலத்தின் வழியாக வந்து வலதுபுறம் திரும்பி ஓயாமரி வழியாக (காவிரி தென்கரை சாலை) அண்ணாசிலை வந்தடைந்து சத்திரம் பேருந்து நிலையம் செல்லலாம்.
திருச்சியிலிருந்து சென்னை செல்லும் வாகனங்கள் நகர வழி போக்குவரத்தைத் தவிர்த்து புறவழிச்சாலை வழியாக சஞ்சீவி நகர் மார்க்கமாக காவிரி புதுப்பாலம் வழியாக நெ.1. டோல்கேட் அடைந்து சென்னை செல்லலாம். அவ்வாறே சென்னையிலிருந்து திருச்சி வரும் வாகனங்கள் நெ.1.டோல்கேட் அடைந்து காவிரி புதுப்பாலம் வழியாக வந்து புறவழிச்சாலை மார்க்கமாக திருச்சி அடையலாம்.
சத்திரம் பேருந்து நிலையத்திலிருந்து புறப்படும் புறநகர் பேருந்துகள் மற்றும் வாகனங்கள் அண்ணாசிலை வழியாக காவிரி பாலத்திற்கு முன்னதாக உள்ள ரயில்வே மேம்பாலத் திலிருந்து ஓயாமரி வழியாகச் சென்று இடதுபுறம் திரும்பி சென்னை பைபாஸ் சாலை காவிரி பழைய பாலத்தில் சென்று நேராக நெ.1.டோல்கேட் சென்று செல்லலாம். காவிரிப் பாலம் பராமரிப்புப் பணிகள் மேற்கொள்ளப் படவுள்ளதை யொட்டி மேற்கண்ட மாற்றுப் பாதையில் பயணம் செய்து பொதுமக்கள் நல்ஒத்துழைப்பு வழங்கிடும்படி திருச்சிராப்பள்ளி மாவட்ட ஆட்சித்தலைவர் மா.பிரதீப் குமார் தெரிவித்துள்ளார்.
ஓணம் ஸ்பெஷல்
தித்திப்பான அடை பாயாசம்
தேவையான பொருட்கள் :
அரிசி – 1/2 டம்ளர்
தேங்காய்ப்பால் – 4 டம்ளர்
வெல்லம் – 2 டம்ளர்
ஏலக்காய் தூள் – சுவைக்கு
பால் – 1 டம்ளர்
நெய் – தேவைக்கு
தேங்காய் துண்டுகள் – கைப்பிடியளவு
முந்திரி – தேவையான அளவு
உலர்திராட்சை – 2 ஸ்பூன்
செய்முறை:
வெல்லத்தை தண்ணீர் கரைத்து வடிகட்டி வைக்கவும்.
அரிசியை ஊற வைத்து நைசாக கெட்டியாக அரைத்துக் கொள்ளவும். அரைத்த மாவை, வாழை இலையில் நெய் தடவி, மெலிதாக பரப்பி, மெதுவாக மடித்து, நூலால் கட்டி, இட்லி தட்டில் வைத்து வேக வைத்துக் கொள்ளவும்.
வெந்த மாவு ஆறியதும் இலையிலிருந்து உரித்து எடுத்து, மிகவும் சிறு துண்டங்களாக வெட்டிக் கொள்ளவும்.
ஒர் வாணலியில் நெய் விட்டு முந்திரி, திராட்சை, தேங்காய் துண்டுகளை பொன்னிறமாக வறுத்துக் கொள்ளவும்.
அதனுடன் அரிசி அடை துண்டுகளை பிரட்டி, பாலை சேர்க்கவும்.
அடுத்து அதில் வடிகட்டி வைத்துள்ள வெல்லத்தை சேர்க்கவும்.
அனைத்தும் நன்கு வெந்ததும் தேங்காய் பாலை சேர்த்து, ஏலக்காய் பொடி செய்து போட்டு இறக்கவும்.
தித்திப்பான அடை பாயாசம் தயார்
திருச்சி காவிரி பாலம் மூடப்படும்
அதிகாரிகள் தகவல்
திருச்சி காவிரி பாலம் வருகிற 10-ஆம் தேதி நள்ளிரவு முதல் மூடப்படும் என அதிகாரிகள் தகவல்
திருச்சி காவிரி பாலம் மிகவும் பழுதடைந்து விட்டது. இரண்டு சக்கர வாகனங்கள் கூட மிகவும் சிரமப்பட்டு அப்பாலத்தில் பயணிக்கின்றன. கடந்த மூன்று மாத காலமாக காவிரி பாலத்தை மூடுவதற்கு மாவட்ட நிர்வாகம், நெடுஞ்சாலைத்துறை, காவல்துறையினர் திட்டமிட்டு வந்தனர்.
இந்நிலையில் முதலில் ஆடிப்பெருக்கு விழா வந்ததால் காவிரி பாலம் மூடுவதில் சிக்கல் ஏற்பட்டது. அதற்கு அடுத்ததாக காவிரியில் அதிக அளவு நீர் பெருக்கெடுத்து ஓடியதால் மூடுவதை தள்ளி வைத்தனர். அது மட்டுமில்லாமல் கடந்த 31ஆம் தேதி விநாயகர் சதுர்த்தி விழா நடைபெற்று விநாயகர் சிலைகள் காவிரி பாலத்தில் வைத்து கரைக்கப்பட்டன.
இந்நிலையில் திருச்சி சென்னை தேசிய நெடுஞ்சாலையில் உள்ள பழைய காவிரி பாலத்தில் அதற்காக போக்குவரத்து மாற்றங்கள் செய்யப்பட்டடுள்ளன.
வருகிற செப்டம்பர் 10ஆம் தேதி நள்ளிரவு 12 மணி முதல் காவிரி பாலம் ஒரு வழியாக பராமரிப்பு பணிக்காக மூடப்படும் என அதிகாரிகள் தெரிவித்துள்ளனர்.
இரண்டு சக்கர வாகனங்கள் மட்டுமே அப்பாலத்தில் பயணிக்க அனுமதிக்கப்படும். நான்கு சக்கர வாகனங்கள், கனரக வானங்கள் என அனைத்தும் ஓயாமாரி பகுதி வழியாக சென்று திருச்சி சென்னை தேசிய நெடுஞ்சாலை உள்ள பழைய காவிரி பாலம் வழியாக மீண்டும் கும்பகோணத்தான் சாலையில் திருவானைக்காவல்,ஸ்ரீரங்கம் பகுதிகளுக்கு வரும் என தெரிவிக்கப் பட்டுள்ளது.
இப்பாலத்தில் குறைந்தபட்சம் 6 மாதத்திற்கு மேலாக பராமரிப்பு பணிகள் நடைபெறும் என அதிகாரிகள் தெரிவித்துள்ளனர்.
வெள்ளிக்கிழமை (09/09/2022)
காரைக்கால் பந்த்
முஸ்லிம்லீக்ஆதரவு
காரைக்காலில் அப்பாவி சிறுவனின் உயிரிழப்பை கண்டித்து காரைக்கால் Whatsapp போராளி குழு நடத்தும் காரைக்கால் மாவட்டம் தழுவிய பந்திற்கு இந்திய_யூனியன் முஸ்லிம் லீக் தனது முழு ஆதரவை தெரிவிக்கின்றது.
பாலமணிகண்டனுக்கு நியாயம் வேண்டும்
வணிக பெருமக்கள் வியாபார பெருமக்கள் அனைவரும் இந்த முழு அடைப்பிற்கு ஆதரவு தருமாறு கேட்டுக் கொள்கின்றது.இனி ஒரு அலட்சிய மரணம் காரைக்கால் அரசு மருத்துவமனையில் நடைபெற கூடாது என்று கூறி, புதுச்சேரி அரசுக்கு தனது கண்டனத்தை தெரிவித்துக் கொள்கிறது.
இவ்வாறு காரைக்கால் மாவட்ட இந்திய யூனியன் முஸ்லிம் லீக் தொழில்நுட்ப அணி செய்தியில் குறிப்பிட்டுள்ளது.
சிறப்பு நிருபர் – A.முஹம்மது ரிஜா - மயிலாடுதுறை
வட்ட வடிவ இல்ல குடியிருப்போர்
நல சங்கத்தினர் பேட்டி
சென்னை 83 அசோக் நகர், ஜாபர்கான் பேட்டை திருநகரில் உள்ள வட்ட வடிவ இல்லம் குடியிருப்போர் நல சங்கத்தினர் பேட்டிடியில் அளித்துள்ள விவரம்
திருநகர் வட்ட வடிவ இல்ல குடியிருப்பு அருகில் தமிழ்நாடு வீட்டு வசதி வாரியம் புதிய குடியிருப்பு கட்டிடம் கட்டப்பட்டு வருகிறது.
புதிய கட்டிடத்தின் வரவிருக்கும் மதில் சுவர் எங்களது குடியிருப்பில் இருப்பை ஒட்டி அமைய உள்ளது.
38 வருடங்களாக குடியிருப்போர் பயன்படுத்தி வரும் சாலை மற்றும் இடம் அவர்கள் எடுத்துக் கொள்வார்கள்.
இதனால் அந்தப் பகுதியில் நடப்பதற்கு கூட இடம் இருக்காது மற்றும் குடியிருப்போர் இடத்தை ஆக்கிரமித்து கட்டி இருப்பதாக தமிழ்நாடு வீட்டு வசதி வாரியம் தெரிவித்துள்ளது.
புதிய கட்டிடத்தின் மதில் சுவர் குடியிருப்போர் மற்றும் பொதுமக்களுக்கு மிகவும் பாதிப்பு ஏற்படும்.
வீட்டை விட்டு வெளியே வர முடியாத சூழ்நிலை உருவாகும்.
அவசர தேவைக்காக ஒரு வாகனமும் அந்த வழியை பயன்படுத்த முடியாது.
கோவில் ஊர்வலங்கள் அந்த வழியே வராது.
மக்கள் நடப்பதற்கு கூட கடினமான சூழ்நிலை ஏற்படும்.
மழைக்காலங்களில் தண்ணீர் வீட்டினுள் தேங்கி நிற்கும்.
இந்தக் கோரிக்கையை தமிழ்நாடு வீட்டு வசதி வாரிய அனைத்து அதிகாரிகளுக்கும்,தொகுதி எம்.எல்.ஏ.,கவுன்சிலர் மற்றும் வீட்டு வசதி வாரிய அமைச்சருக்கும் கொடுத்துள்ளோம்.
இதை தமிழ்நாடு வீட்டு வசதி வாரியத்திற்கு உணர்த்த மட்டும் வடிவ இல்ல குடியிருப்போர் சார்பாக உண்மை தன்மையை தமிழ்நாடு வீட்டு வசதி வாரிய சீ சரவணன் ஆய்வுக்கு வந்த போது மக்கள் கூடி மாற்றம் கோரி கோரிக்கை கொடுத்தனர்.
இந்த ஆர்ப்பாட்டம் எங்களுக்கு நீதி கிடைக்கும் வரை தொடரும்.
இவ்வாறு வட்ட வடிவ இல்ல குடியிருப்போர் நல சங்கத்தினர் பேட்டி அளித்துள்ளனர்.
பத்திரிகையாளர் ஜி.அப்துர் ரஹீம் மரணம் சிராஜுல்ஹஸன் இரங்கல்
.jpeg) |
| பத்திரிகையாளர் ஜி.அப்துர் ரஹீம் |
அன்பு நண்பரும், ஆழமான பேச்சாளரும், சிறந்த மொழிபெயர்ப்பாளரும், ஜமாஅத்தே இஸ்லாமி ஹிந்த் இயக்கத்தின் சென்னை மாநகரத் தலைவராகவும் இருந்து அரும்பணியாற்றிய ஜி.அப்துர் ரஹீம் இறப்பெய்தினார் எனும் செய்தி பெரும் துயரத்தை அளித்தது.
இன்னாலில்லாஹி வ இன்னா இலைஹி ராஜிவூன்..
சமரசத்திற்கு ‘விடியல்’ தந்தவர்
சமரசம், மானுட வசந்தம் போன்ற இயக்கத்தின் ஊடகப் பிரிவுகள் ஒரு கூரையின் கீழ் இயங்கவேண்டும் என்பதற்காக “கிரியேடிவ் கம்யூனிகேஷன் சென்னை”(CCC) எனும் துணை நிறுவனம் தனி சட்ட திட்டங்களுடன் உருவாக்கப்பட்டது.
CCC தலைமை நிர்வாகியாக ஜி. அப்துர் ரஹீம் அவர்கள் நியமிக்கப்பட்ட பிறகுதான் சமரசம் அலுவலகத்திற்கு விடிவு காலம் பிறந்தது.
ஒரு பத்திரிகை அலுவலகத்திற்குத் தேவையான எந்த அடிப்படை வசதிகளும் இல்லாமல் சிரமப்பட்டுக் கொண்டிருந்த எங்களுக்கு அவருடைய வருகை புது நம்பிக்கை அளித்தது.
முதலில் அரதப் பழசான கணினிகளை எல்லாம் அகற்றிவிட்டு சமரசம் ஊழியர்கள் அனைவரின் மேசைகளிலும் நவீன கம்யூட்டர்கள் இடம்பெறச் செய்தார்.
ஆசிரியர்குழுவின் செயல்பாடுகள் அனைத்தையும் கணினிமயம் ஆக்கினார்.பத்திரிகையின் தாள் கொள்முதல், கணக்கு வழக்குகள், சந்தா விவரங்கள் போன்ற அனைத்தையும் கணினியில் பதிவேற்றம் செய்ய வைத்தார்.
என் எழுத்துப் பணிக்கும் உறுதுணையாக இருந்தார்.
மாபெரும் இஸ்லாமியச் சிந்தனையாளர் மௌலானா மௌதூதி அவர்கள் கிட்டத்தட்ட 75ஆண்டுகளுக்கு முன்பு, தம்முடைய “தர்ஜுமானுல் குர்ஆன்” இதழில் வாசகர்களின் வினாக்களுக்கு விடையளித்து வந்தார்.
அறிவுக் கருவூலமாய் விளங்கிய அந்தக் கேள்வி- பதில்களை மொழிபெயர்த்து சமரசத்தில் வெளியிட வேண்டும் என்று தீர்மானித்தோம். மொழியாக்கப் பொறுப்பைத் தாமே முன்வந்து ஏற்றுக்கொண்டார் அப்துர் ரஹீம் அவர்கள்.
இவர் சென்னை மாநகரத் தலைவராக இருந்தபோதுதான் இயக்கம் மாநகரின் பல இடங்களிலும் அறிமுகம் ஆகியது.
மாநகரப் பணிகளுக்கென்று தனியே அலுவலகம் அமைக்க வேண்டிவந்தது என்றால் பார்த்துக் கொள்ளுங்களேன்.
இஸ்லாமிய வாழ்வியலை ‘ஊருக்கு உபதேசம்’ என்கிற அளவில் இல்லாமல் தம் தனிப்பட்ட வாழ்விலும் கடைப்பிடித்தார்.
அஸர் தொழுகைக்குப் பிறகு, தம் மகனின் திருமணத்தை மிக எளிய முறையில் பள்ளிவாசலில் நடத்தினார்.ஓர் இனிப்பு, ஒரு சமோசா, ஒரு கோப்பை தேநீர்- அவ்வளவுதான் விருந்து. திருமணம் நிறைவுபெற்றது.
இஸ்லாமிய இயக்கத்திற்குத் தன்னலமற்று அவர் ஆற்றிய பணிகளையும், எதிர்கொண்ட சோதனைகளையும் சொல்லிக் கொண்டே இருக்கலாம்.இயக்க நிகழ்ச்சியில்தான் அவருடைய இறுதிமூச்சும் பிரிந்திருக்கிறது.
இன்னொரு முக்கியமான செய்தி- அவர் மார்க்கத்தைத் தழுவியவர்.ஜி.அப்துர் ரஹீம் அவர்களை வல்ல இறைவன் தன் நல்லடியார்கள் குழுவில் இணைத்து, உயர் சுவனப் பேறுகளை வாரி வழங்குவானாக.
அவரைப் பிரிந்துவாடும் குடும்பத்தினருக்கும் உறவினர்களுக்கும் நண்பர்களுக்கும் இயக்கத் தோழர்களுக்கும் இறைவன் அழகிய பொறுமையைத் தந்தருள்வானாக.
இவ்வாறு சிராஜுல்ஹஸன் தனது இரங்கல் செய்தியில் குறிப்பிட்டுள்ளார்.
திருச்சியில் அமைச்சர்கள்
திறந்து வைத்த புத்தகச்சுவர்
திருச்சி புத்தகத் திருவிழா வருகின்ற செப்டம்பர் 16 முதல் 26 வரை நடைபெறவுள்ளதை முன்னிட்டு நகராட்சி நிருவாகத் துறை அமைச்சர் கே.என்.நேரு மற்றும் பள்ளிக் கல்வித்துறை அமைச்சர் அன்பில் மகேஸ் பொய்யாமொழி திருச்சி மாவட்ட ஆட்சியரகத்தில் அமைக்கப்பட்ட புத்தகச்சுவரினை திறந்து வைத்தனர்.
பின்னர் பள்ளி மாணவர்கள் காசினை சேமித்து புத்தகம் வாங்கும் விதமாக உண்டியல்களை வழங்கியும், புத்தகத் திருவிழா இலச்சினையினை வெளியிட்டும், விழிப்புணர்வு ஸ்டிக்கர்கள் ஒட்டப்பட்ட குடிநீர் கேன்களை வழங்கியும், பேருந்துகளில் விழிப்புணர்வு ஸ்டிக்கர்களை ஒட்டியும் புத்தகத் திருவிழா விழிப்புணர்வு நிகழ்ச்சிகளை தொடங்கி வைத்தார்கள்.
திருச்சி புத்தகத் திருவிழா மத்திய பேருந்து நிலையத்தின் அருகில் உள்ள செயின்ட் ஜான் வெஸ்ட்ரி மேல்நிலைப்பள்ளி மைதானத்தில் நடைபெறவுள்ளது.
புத்தகம் வாசிக்கும் பழக்கத்தை ஊக்கப்படுத்தும் விதமாக, பொதுமக்கள் தாங்கள் வாசித்த நல்ல நூல்களையும், நேசிக்கும் புதிய நூல்களையும், தாமாக முன்வந்து நன்கொடையாக வழங்கிடும் வகையில் திருச்சி மாவட்ட ஆட்சியர் அலுவலகத்தில் புத்தகச் சுவர் அமைக்கப்பட்டுள்ளது. இங்கு சேகரிக்கப்படும் புத்தகங்கள் அனைத்தும் கிராமப்புற நூலகங்களுக்கு வழங்கப்படவுள்ளது.
மாணவர்கள் காசு சேமித்து அதனைக் கொண்டு புத்தகம் வாங்கி படிக்கும் பழக்கத்தை ஊக்கப்படுத்திடும் வகையில் உண்டியல்களை 200க்கு மேற்பட்ட மாணவர்களுக்கு வழங்கப்பட்டது. விளம்பர ஸ்டிக்கர்கள் அரசு பேருந்துகளிலும், திருச்சி மாவட்டம் முழுவதும் விநியோகிக்கப்படும் 20 லிட்டர் குடிநீர் கேன்களிலும் ஒட்டி விளம்பரப்பணி மேற்கொள்ளப்பட்டுள்ளது.
மேலும் திருச்சி மாவட்ட ஆட்சியர் அலுவலகத்தில் இருந்து அனுப்பப்படும் கடிதங்கள் அனைத்திலும், புத்தகத் திருவிழாவிற்கான விளம்பரம் முத்திரையிடப்பட்டு அனுப்பும் நடவடிக்கைகள் மேற்கொள்ளப்பட்டுள்ளது.
முன்னதாக, திருச்சிராப்பள்ளி மாவட்ட ஆட்சியரகத்தில் இன்று (04.09.2022) நடைபெற்ற மெகா கொரோனா சிறப்பு தடுப்பூசி முகாமினை நகராட்சி நிருவாகத்துறை அமைச்சர் மற்றும் பள்ளிக் கல்வித் துறை அமைச்சர் பார்வையிட்டனர்.
இந்நிகழ்வுகளில் மாவட்ட ஆட்சித் தலைவர் மா.பிரதீப் குமார், மாநகர காவல் ஆணையர் க.கார்த்திகேயன், மாநகராட்சி மேயர் மு. அன்பழகன், மாநகராட்சி ஆணையர் ஆர்.வைத்திநாதன், சட்டமன்ற உறுப்பினர்கள் செ.ஸ்டாலின் குமார், அ.சௌந்தரபாண்டியன், எம்.பழனியாண்டி,
மாவட்ட வருவாய் அலுவலர் இரா.அபிராமி, மாவட்ட நூலக அலுவலர் சிவக்குமார், மாவட்ட ஊரக வளர்ச்சி முகமை திட்ட இயக்குநர் வே.பிச்சை, உதவி இயக்குநர் (ஊராட்சிகள்) கங்காதாரணி, அரசு போக்குவரத்துக் கழக பொதுமேலாளர் சக்திவேல் மற்றும் மண்டலத் தலைவர்கள், மாமன்ற உறுப்பினர்கள், உள்ளாட்சி அமைப்புகளின் பிரதிநிதிகள், ஆசிரியர்கள், மாணவர்கள் அரசுத்துறை அலுவலர்கள், வாசகர் வட்டத்தினர், எழுத்தாளர் சங்கத்தினர் உள்ளிட்ட பலர் கலந்து கொண்டனர்.
இதற்கு குழுசேர்:
இடுகைகள் (Atom)