அமைப்புசாரா தொழில்
நிறுவனங்களின்
பொருளாதார நிலை
நாடு தழுவிய ஆய்வு
மத்திய அரசின் புள்ளியியல் மற்றும் திட்ட அமலாக்க அமைச்சகத்தின் கீழ் செயல்படும் தேசிய புள்ளியியல் அலுவலகத்தின் களப்பணிகள் கோட்டத்தில் அமைப்புசாரா தொழில் நிறுவனங்களின் பொருளாதார நிலை பற்றிய நாடு தழுவிய ஆய்வு
மத்திய அரசின் புள்ளியியல் மற்றும் திட்ட அமலாக்க அமைச்சகத்தின் கீழ் செயல்படும் தேசிய புள்ளியியல் அலுவராகத்தின் களப்பணிகள் கோட்டத்தில் அமைப்புசாரா தொழில் நிறுவனங்களின் பொருளாதார நிலை பற்றிய நாடு தழுவிய ஆய்வு குறித்து களப்பணியாளர் களுக்கான வட்டார பயிற்சி கருத்தரங்கம் வரும் 26.09.2022 முதல் 28.09.2022 வரை நுங்கம்பாக்கம் ("ஹாரிசன்ஸ் ஹோட்டலில்") நடைபெற இருக்கிறது.
வரும் 26.09.2022 அன்று முனைவர் P.T. சுபா துணை தலைமை இயக்குநர் துவக்கி வைக்கிறார். பயிற்சி அரங்கத்தின் வகுப்புகள் சென்னை அலுவராகத்தின் துணை இயக்குனர் செல்வி. அமேலியா பெட்சி துணையுடன் மூத்த புள்ளியியல் அலுவலர்கள் மூலம் நடத்தப்பெறும்.
இந்திய பொருளாதாரத்தில் அமைப்புசாரா தொழில் நிறுவனங்களின் பங்கு முதன்மையானது. காரணம், உள்நாட்டு மொத்த உற்பத்தி வளர்ச்சிக்கு அதன் பங்கு அதிகமாக இருப்பதுடன் அந்நிறுவனங்களின் எண்ணிக்கை மற்றும் அதன் மூலம் பலதரப்பட்ட மக்களின் வேலைவாய்ப்பை உருவாக்கும் பணியில் ஈடுபட்டிருப்பதும் ஆகும்.
எனவே இந்நிறுவனங்களின் தற்போதைய பொருளாதார நிலைமை அதன் வளர்ச்சிக்கான தேவைகள் பற்றிய விவரங்கள் இத்தகைய ஆய்வின் மூலம் திரட்டப்படுகின்றன. விவசாயம் கட்டுமானம் அல்லாத மற்ற அமைப்புசாரா நிறுவனங்களின் (உற்பத்தி, வணிகம் மற்றும் இதர சேவைகள் பிரிவு உள்ளிட்டவை இதில் அடங்கும்)
தற்போதைய நிலை குறித்து ஆய்வு ஆண்டுதோறும் மேற்கொள்ளப்பட இருக்கிறது. தேசிய புள்ளியியல் அலுவலகங்கள் மூலம் நாடு முழுவதும் அக்டோபர் 2022 முதல் செப்டம்பர் 2023 வரை ஒருவருட காலத்திற்கு கிராம மற்றும் நகர்புறங்களில் நடத்தப்பெறும்.
Post A Comment:
0 comments so far,add yours