மதுரையில் விமன் இந்தியா மூவ்மெண்ட் தேசிய கொடி ஏந்தி கோரிக்கை பேரணி

மதுரையில் விமன் இந்தியா மூவ்மெண்ட் 

தேசிய கொடி ஏந்தி
கோரிக்கை பேரணி

இன்று 20-08-2022 சனிக்கிழமை விமன் இந்தியா மூவ்மெண்ட் (WIM)-ன் கோரிக்கை பேரணி நடைபெற்றது.

தமிழக அரசே! கல்வித்துறையே!

கல்வி கூடங்களில் மாணவிகள் பாதுகாப்பை உறுதிப்படுத்து!

பாலியல் குற்றவாளிகளுக்கு தண்டனையை விரைந்து வழங்கிடு! 

போக்சோ (POCSO) சட்டங்கள் பாரபட்சமின்றி அமுல்படுத்து!

மாணவிகள் அச்சமற்ற மனநிலையோடு கல்வி கற்கும் சூழ்நிலையை உருவாக்கிடு! 

பள்ளிகளில் தொடரும் மாணவிகள் துன்புறுத்தல் மற்றும் சந்தேக மரணங்களை தடுத்து நிறுத்திடு!என வலியுறுத்தி,

மதுரை தெற்கு வாசல்பகுதியில் இருந்து கிரைம் பிரான்ச் சந்திப்பு வரை பெண்கள் கையில் தேசிய கொடி ஏந்தி மாபெரும் மகளிர் கோரிக்கை பேரணி நடைபெற்றது.

பேரணியை மக்கள் கண்காணிப்பகத்தின் நிர்வாகி  ‌சகோதரி சிந்தியா திபேன் கொடி அசைத்து துவக்கி வைத்தார்.

இந்த நிகழ்ச்சிக்கு விமன் இந்தியா மூவ்மெண்ட்(WIM) மாநில தலைவர் பாத்திமா கனி தலைமையேற்று தலைமை உரை நிகழ்த்தினார்.

விமன் இந்தியா மூவ்மெண்ட்(WIM) மண்டல தலைவர் கதிஜா அவர்கள் வரவேற்புரை ஆற்றினார்.

விமன் இந்தியா மூவ்மெண்ட்(WIM) வடக்கு மாவட்ட தலைவர் கதிஜா அவர்கள் தொகுப்புரை ஆற்றினார்.

நேஷனல் விமன் ஃபிரண்ட்(WIM) மாநில தலைவர் ஆசியா மர்யம்,நேஷனல் விமன் ஃபிரண்ட்(NWF) மாநில பொருளாளர் மஹதியா, கேம்பஸ் ஃபிரண்ட் ஆஃப் இந்தியா(CFI) தேசிய செயற்குழு உறுப்பினர் நிஷா ஆகியோர் முன்னிலை வகித்தனர்.

எஸ்டிபிஐ(SDPI) கட்சியின் மாநில பொதுச் செயலாளர் நிஜாம் முகைதீன், சோக்கோ அறக்கட்டளை நிர்வாகி வழக்கறிஞர் செல்வ கோமதி, எஸ்டிபிஐ(SDPI) கட்சியின் மாநில செயலாளர் நஜ்மா பேகம், ஆகியோர் சிறப்பு விருந்தினர்களாக கலந்து சிறப்புரையாற்றினார்கள்.

விமன் இந்தியா மூவ்மெண்ட்(WIM) தெற்கு மாவட்ட பொதுச் செயலாளர் நசரத் பேகம், விமன் இந்தியா மூவ்மெண்ட்(WIM)வடக்கு மாவட்ட தலைவர் பாத்திமா பிலால் ஆகியோர் பேரணி கோஷம் எழுப்பினர்.

இறுதியாக விமன் இந்தியா மூவ்மெண்ட்(WIM) தெற்கு மாவட்ட தலைவர் ரோஸ்னி அவர்கள் நன்றியுரை ஆற்றினார்.

இந்த பேரணியில்  பெண்கள் மற்றும் பொதுமக்கள் பெருவாரியாக கலந்து கொண்டு சிறப்பித்தனர்.

நமது நிருபர். சென்னை ஷேக் அப்துல்லா