IBINEWS

முராத் புஹாரி காலமானார் ஐபிஐ நியூஸ் இரங்கல்

IBINEWS நேரம் செப்டம்பர் 21, 2022 0

முராத் புஹாரி காலமானார்

ஐபிஐ நியூஸ் இரங்கல்

முராத் புஹாரி

சென்னையின் பிரபல புஹாரிஓட்டல் உரிமை யாளர்களில் ஒருவரும், மதிமுக மாநில சிறுபாண்மை பிரிவு செயலாளர் அன்பு சகோதரர் முராத்புஹாரி காலமானார்.

அவரது ஆன்மா இறைவனின் திருவடியில் சாந்தி பெற ஐபிஐ நியூஸ் சார்பாக ஆழ்ந்த இரங்கலை தெரிவித்துக் கொள்கிறோம்.

நமதுநிருபர்- M.முஹம்மது நியாஸ் – திருச்சி

செய்திகள் புகைப்படங்கள்

திருச்சி அருகே கிராமத்தில் தீண்டாமை கொடுமையா?ஆட்சியர் அதிரடி ஆய்வு

IBINEWS நேரம் செப்டம்பர் 21, 2022 0

திருச்சி அருகே கிராமத்தில்

தீண்டாமை கொடுமையா?

ஆட்சியர் அதிரடி ஆய்வு

திருச்சி மாவட்டம் மணப்பாறை அடுத்த வையம்பட்டி ஒன்றியம் தெற்கு அம்மா பட்டியில் சாதிய தீண்டாமை நடப்பதாக எழுந்த புகாரின் பேரில் மாவட்ட ஆட்சித் தலைவர் பிரதீப்குமார் நேரில் சென்று அதிரடி ஆய்வு நடத்தினார்.

தீண்டாமை கொடுமை ஏதும் நடக்கிறதா? என்று அங்குள்ள மக்களிடம் கேட்டறிந்தார்.குறிப்பாக அந்த கிராமத்தில் 143 குடும்பத்தினர் வசித்து வருகின்றனர்.குறிப்பிட்ட சமூகத்தினரை தண்ணீர் குடிக்கும் போது கையில் வாங்கி குடிக்க வேண்டும் என்ற குற்றச்சாட்டு எழுந்த புகாரின் அடிப்படையில் இந்த ஆய்வு மேற்கொள்ளப் பட்டதாக மாவட்ட ஆட்சியர் குறிப்பிட்டார்.

பின்னர் செய்தியாளர் களிடம் தகவல் தெரிவித்த ஆட்சியர் தீண்டாமை கொடுமை ஏதும் நடைபெறவில்லை என அவர் தனது நேரடி விசாரணையில் உறுதிபட தெரிவித்துள்ளார்.

மாவட்ட ஆட்சியர் பிரதீப் குமார் நேரடி விசாரணை செய்த பொழுது ஸ்ரீரங்கம் கோட்டாட்சியர், மணப்பாறை வருவாய் வட்டாட்சியர் உடனிருந்தனர்.

நமதுநிருபர்- M.முஹம்மது நியாஸ் – திருச்சி

செய்திகள் புகைப்படங்கள்

முராத் புகாரி மறைவு தமிழ்நாடு இஸ்லாமிய களம் (TNIK) நிறுவனத் தலைவர் S.நகீப்கான் இரங்கல்

IBINEWS நேரம் செப்டம்பர் 21, 2022 0

முராத் புகாரி மறைவு

தமிழ்நாடு இஸ்லாமிய களம் (TNIK)

நிறுவனத் தலைவர்

S.நகீப்கான் இரங்கல்

முராத் புகாரி

மதிமுக மாநில சிறுபான்மை பிரிவு செயலாளர் முராத் புகாரி இன்று 21.09.2022 காலமானார் என்ற செய்தி அனைவரையும் மிகுந்த வருத்தத்துக் குள்ளாக்கியுள்ளது.இன்னாலில்லாஹி வ இன்னா இலைஹி ராஜிஊன்.

அவரை பிரிந்து வாடும் அவரது மனைவி,மக்களுக்கும், குடும்பத் தாருக்கும்,உற்றார்-உறவினர் களுக்கும்,நண்பர்களுக்கும்,அவர் சார்ந்திருந்த மதிமுக கழகத்தினருக்கும் தமிழ்நாடு இஸ்லாமிய களம் சார்பாக எனது ஆழ்ந்த இரங்கலை தெரிவித்துக் கொள்கிறேன்.

அவரது மறைவு ஈடு செய்ய முடியாத இழப்பாகும்.கருணையாளன் அல்லாஹ் அவரது குற்றம் குறைகளை பாவங்களை மன்னித்து ஜன்னத்துல் ஃபிர்தவ்ஸ் எனும் சுவர்க்கத்தை வழங்கி அருள் புரிவானாக! ஆமீன்!!

இவ்வாறு தமிழ்நாடு இஸ்லாமிய களம் (TNIK) நிறுவனத் தலைவர் S.நகீப்கான் தனது இரங்கல் செய்தியில் குறிப்பிட்டுள்ளார்.

நமது நிருபர் - M.நிஜாம்தீன் – சென்னை

அறிவிப்புகள் செய்திகள் புகைப்படங்கள்

ரேசனில் பொருட்களே வாங்காதவார்கள் கெளரவ அட்டை வாங்கி கொள்ளலாம் ராதாகிருஷ்ணன்

IBINEWS நேரம் செப்டம்பர் 21, 2022 0

ரேசனில் பொருட்களே வாங்காதவார்கள் கெளரவ அட்டை வாங்கி கொள்ளலாம் ராதாகிருஷ்ணன்

கூட்டுறவுத்துறையில் 3997 காலிப்பணியிடங்கள் விரைவில் நிரப்பப்படும்- முதன்மை செயலாளர் ராதாகிருஷ்ணன் திருச்சியில் பேட்டி

கூட்டுறவு மற்றும் நுகர்வோர் பாதுகாப்புத் துறை முதன்மைச் செயலாளர் ஆர்.ராதாகிருஷ்ணன் திருச்சி அண்ணா நகர் கூட்டுறவு வங்கியில் , உறுப்பினர்களுக்கு கடனுதவி வழங்குதல் மற்றும் வாகனத்தில் வங்கி இயக்கத்தினை தொடங்கி வைத்தார்.

பின்னர் கல்லுக்குழி நியாய விலைக்கடை யினையும், டிவிஎஸ் டோல்கேட், மின் வாரிய அலுவலகம் அருகிலுள்ள நுகர்பொருள் வாணிபக்கழக கிடங்கினையும் நேரில் ஆய்வு செய்தார்.

பின்னர் செய்தியாளர்களை சந்தித்த ராதாகிருஷ்ணன் ....

தமிழ்நாட்டில் 20 இடங்களில் 2.86 லட்சம் மெட்ரிக் டன் அளவிற்கு நெல் பாதுகாப்பு கிடங்கு கட்டப்பட்டு வருகிறது.

அரிசி கடத்தலை தடுக்க போர்கால அடிப்படையில் நடவடிக்கை எடுக்கப்பட்டுள்ளது. இந்த கடத்தலில் ஈடுபடும் முக்கிய நபர்களை கைது செய்ய கூறியுள்ளோம். அதன்படி சக்கரவர்த்தி என்கிற நபர் கைது செய்யப்பட்டுள்ளார்.

அரிசி கடத்தலில் ஈடுபட்ட 111 பேரை கள்ளச்சந்தை தடுப்பு சட்டத்தின் கீழ் கைது செய்துள்ளோம்.

கூட்டுறவுத்துறையில் 3997 காலிப்பணியிடங்கள் இருக்கிறது. அதை நிரப்ப நடவடிக்கை எடுக்கப்படுகிறது.

ரேசன் பொருள் வாங்காதவர்கள் குறித்து கணக்கு எடுப்பது என்பது அதை ஒழுங்கப்படுத்ததானே தவிர வேறு எதற்கும் இல்லை. அது தொடர்பாக எந்த பீதியும் தேவையில்லை.

பொருட்களே தேவையில்லை என்றால் அவர்களுக்கு கெளரவ அட்டை என்கிற முறை உள்ளது. 60 ஆயிரம் பேர் தமிழ்நாட்டில் அதை வைத்துள்ளார்கள். ரேசனில் பொருட்களே வாங்காதவார்கள் கெளரவ அட்டை வாங்கி கொள்ளலாம் என்றார்.

நமதுநிருபர்- K.ஷாகுல் ஹமீது - திருச்சி

செய்திகள் புகைப்படங்கள்

இன்றைய யுகம் பெண்களின் வளர்ச்சிக்குரியது அனுராக் சிங் தாக்கூர்

IBINEWS நேரம் செப்டம்பர் 21, 2022 0

இன்றைய யுகம்

பெண்களின் வளர்ச்சிக்குரியது

அனுராக் சிங் தாக்கூர்

கல்வி, விளையாட்டு, திறன் மேம்பாட்டிற்கான குறிப்பிடத்தக்க சாதனை என்பதை தேசிய கல்விக் கொள்கை நிரூபிக்கும்: மத்திய அமைச்சர் அனுராக் சிங் தாக்கூர்

புதிய கல்விக் கொள்கையின் வாயிலாக 34 ஆண்டுகளுக்குப் பிறகு விளையாட்டு, கல்வி மற்றும் திறன் வளர்ச்சியிலும், பிராந்திய மொழி கல்வியிலும் சீர்திருத்த நடவடிக்கைகளை மத்திய அரசு கொண்டு வந்துள்ளதாக மத்திய தகவல் மற்றும் ஒலிபரப்பு, இளைஞர் விவகாரங்கள் மற்றும் விளையாட்டுத் துறை அமைச்சர் அனுராக் சிங் தாக்கூர் தெரிவித்துள்ளார்.

ஜலந்தரில் தோபா கல்லூரியின் 65-ஆவது பட்டமளிப்பு விழாவில் கலந்து கொண்டு பேசிய அவர், திறன் இந்தியா திட்டத்தின் கீழ் நாட்டில் இளைஞர்களுக்கு அதிகபட்ச வேலை வாய்ப்புகள் வழங்கப்படுவதோடு, மென் திறன்களில் சிறப்பு கவனம் செலுத்தப்படுவதன் மூலம் உள்நாட்டிலும், வெளிநாடுகளிலும் சிறந்த தொழில்வளத்தை இளைஞர்கள் பெறுவதற்கு எண்ணிலடங்காத வாய்ப்புகள் ஏற்படுத்தப்படுவதாகவும் அவர் தெரிவித்தார்.

இன்றைய யுகம் பெண்களின் வளர்ச்சிக்குரியது என்று கூறிய அமைச்சர், அனைத்துத் துறைகளிலும், குறிப்பாக கல்வியிலும் விளையாட்டிலும் பெண்கள் முன்னேறி வருவது இதற்கு மிகப்பெரிய சான்றாக திகழ்கிறது என்றும், இந்தியா மாறி வருவதையும் இது உணர்த்துகிறது என்றும் தெரிவித்தார்.

இந்திய பொருளாதாரம் உலக அளவில் 11-வது இடம் வகிப்பது மகிழ்ச்சி அளிப்பதாகவும் அவர் குறிப்பிட்டார். டிஜிட்டல் இந்தியா திட்டத்தை அமல்படுத்தி தனது வெற்றியை உலக நாடுகளுக்கு இந்திய அரசு பறைசாற்றி யிருப்பதாகத் தெரிவித்த அனுராக் தாக்கூர், இதன் காரணமாகவே நாட்டில் மென்மேலும் அதிகமான நிதி பரிமாற்றங்கள் இணைய வழி வாயிலாகவும் யு.பி.ஐ தளம் வாயிலாகவும் மேற்கொள்ளப்படுவதாகக் கூறினார்.

வெற்றிகரமான டிஜிட்டல் பரிவர்த்தனைகளின் வாயிலாக டிஜிட்டல் இந்தியா என்ற கனவை சமூகத்தின் அனைத்து தரப்பினரும் நனவாக்கியதற்காக நாட்டு மக்களுக்கு அவர் பாராட்டு தெரிவித்தார்.

முன்னதாக அமைச்சர் அனுராக் சிங் தாக்கூர் கல்லூரி வளாகத்தில் மரக்கன்றை நட்டார்.

நமது நிருபர் - G.மோனிஷா - சென்னை

செய்திகள்

எலக்ட்ரிக் ஸ்கூட்டர் தீப்பிடித்ததால் பரபரப்பு

IBINEWS நேரம் செப்டம்பர் 21, 2022 0

எலக்ட்ரிக் ஸ்கூட்டர்

தீப்பிடித்ததால் பரபரப்பு

உளுந்தூர்பேட்டை நாராயணன் தியேட்டர் அருகில் மீன் மார்க்கெட் பகுதியில் எலக்ட்ரிக் ஸ்கூட்டர் சாலையில் சென்ற போது தீப்பிடித்ததால் பரபரப்பு தீயணைப்பு வீரர்கள் விரைந்து வந்து தீயை அணைத்தனர்.

நமது நிருபர்- R.வேல்முருகன் - கள்ளக்குறிச்சி

அறிவிப்புகள் செய்திகள்

கால்நடை பல்கலைக்கழகத்தில் நாளை(22.09.2022) ஆடு வளர்ப்பு பயிற்சி

IBINEWS நேரம் செப்டம்பர் 21, 2022 0

கால்நடை பல்கலைக்கழகத்தில்

நாளை(22.09.2022) ஆடு வளர்ப்பு பயிற்சி

திருச்சி கொட்டப்பட்டு கால்நடை பல்கலைக்கழக பயிற்சி மற்றும் ஆராய்ச்சி மையத்தில் ஆடு வளர்ப்பு பயிற்சி முகாம் நாளை(22.09.2022 )நடக்கிறது.

இலவச அனுமதி உடன் கூடிய முகாமில் வெள்ளாடு மற்றும் செம்மறி ஆட்டு இனங்கள் ஆடுகளை தேர்ந்தெடுத்து வாங்குதல், கொட்டகை அமைத்தல், இன விருத்தி பராமரிப்பு தீவன மேலாண்மை தீவன மரங்கள் சாகுபடி மற்றும் பயன்பாடு நோய் தடுப்பு முறைகள் குறித்த ஆலோசனைகள் மற்றும் தொழில்நுட்பங்கள் குறித்த பயிற்சி அளிக்கப்படும்.

கூடுதல் தகவல்களுக்கு 0431-2331715 என்று எண்ணில் தொடர்பு கொள்ளலாம் இத்தகவலை கால்நடை பல்கலைக்கழக பயிற்சி மற்றும் ஆராய்ச்சி மையத்தின் தலைவர் ஜெயலலிதா தெரிவித்துள்ளார்.

நமதுநிருபர்- K.ஷாகுல் ஹமீது - திருச்சி

அறிவிப்புகள் செய்திகள்

திருச்சி மாநகரில் நாளை (22.09.2022) மின் நிறுத்தம் செய்யப்படும் பகுதிகள்

IBINEWS நேரம் செப்டம்பர் 21, 2022 0

திருச்சி மாநகரில் நாளை (22.09.2022)

மின் நிறுத்தம் செய்யப்படும் பகுதிகள்

திருச்சி எடமலைப்பட்டி புதூர் துணைமின் நிலையத்தில் நாளை (22.09.2022) மாதாந்திர பராமரிப்பு பணிகள் மேற்கொள்ளப்பட உள்ளன. இதனால் டி.எஸ்.பி கேம்ப், கிராப்பட்டி காலனி, கிராபட்டி அன்பு நகர், அருணாச்சலம் நகர்,

காந்திநகர், பாரதிமின்நகர், சிம்கோ காலனி, அரசு காலணி, ஸ்டேட் பேங்க் காலனி, கொல்லங்குளம், எடமலைப்பட்டி புதூர், சொக்கலிங்கபுரம், ராமச்சந்திர நகர், ஆர்.எம்.எஸ் காலனி, ராஜீவ் காந்தி நகர்,

கிருஷ்ணாபுரம் மற்றும் பஞ்சாபூர் ஆகிய பகுதிகளில் நாளை (22.09.2022) காலை 9:45 மணி முதல் மாலை 3.00 மணி வரை விநியோகம் இருக்காது என திருச்சி கிழக்கு மின்வாரிய அலுவலகம் தெரிவித்துள்ளது.

நமதுநிருபர்- K.ஷாகுல் ஹமீது - திருச்சி

செய்திகள்

முன்னாள் சபாநாயகர் சேடப்பட்டி முத்தையா காலமானார் ஐபிஐ நியூஸ் இரங்கல்

IBINEWS நேரம் செப்டம்பர் 21, 2022 0

முன்னாள் சபாநாயகர்

சேடப்பட்டி முத்தையா

காலமானார்

நமதுநிருபர்- M.முஹம்மது நியாஸ் – திருச்சி

குற்றங்கள் செய்திகள் புகைப்படங்கள்

செல்போன், இரு சக்கர வாகனம் திருடிய நபர் குண்டர் சட்டத்தில் கைது

IBINEWS நேரம் செப்டம்பர் 21, 2022 0

செல்போன், இரு சக்கர வாகனம்

திருடிய நபர் குண்டர் சட்டத்தில் கைது

கடந்த 16.08.22-ம்தேதி கீழ ஆண்டாள் வீதியில் நடந்து சென்ற நபரிடம் கத்தி காண்பித்து பணம் ரூ.2300/-த்தை கொள்ளையடித்து சென்றதாக பெறப்பட்ட புகாரின்பேரில் வழக்கு பதிவு செய்யப்பட்டு, எதிரி அய்யப்பன் என்பவரை கைது செய்து, நீதிமன்ற காவலுக்கு அனுப்பி நடவடிக்கை எடுக்கப்பட்டுள்ளது.

மேலும் விசாரணையில் அய்யப்பன் மீது திருச்சி மாநகரம் காந்திமார்க்கெட், ஸ்ரீரங்கம் மற்றும் கோட்டை காவல்நிலைய எல்லையில் இருசக்கர வாகனத்தை திருடியதாக 03 வழக்குகளும், திருச்சி மாவட்டத்தில் இருசக்கர வாகனம் திருடியதாக 02 வழக்குகளும், தஞ்சாவூர் மாவட்டடத்தில் செல்போன் கடை உடைத்து செல்போன்களை திருடியதாக 02 வழக்குகளும், கத்தியை காண்பித்து பணம் பறித்து சென்றதாக 02 வழக்குகள் உட்பட மொத்தம் 09 வழக்குகள் நிலுவையில் இருப்பது விசாரணையில் தெரியவந்தது.

எனவே, எதிரி அய்யப்பன் என்பவர் தொடர்ந்து இருசக்கர வாகனம் திருட்டு, கத்தியை காண்பித்து பொதுமக்களிடம் பணம் கொள்ளையடிப்பது போன்ற குற்றச்செயல்களில் ஈடுபடும் குணம் கொண்டவர் என விசாரணையில் தெரியவருவதால், மேற்கண்ட எதிரியின் தொடர் குற்ற நடவடிக்கையை தடுக்கும் பொருட்டு கோட்டை குற்றப்பிரிவு காவல் ஆய்வாளர் கொடுத்த அறிக்கையினை பரிசீலனை செய்து, திருச்சி மாநகர காவல் ஆணையர் G.கார்த்திகேயன், மேற்படி எதிரியை குண்டர் தடுப்பு காவல் சட்டத்தின்கீழ் கைது செய்ய ஆணையிட்டார்.

அதனை தொடர்ந்து திருச்சி மத்திய சிறையில் உள்ள எதிரி மீது குண்டர் தடுப்பு சட்டம் ஆணையினை சார்பு செய்து சிறையில் அடைக்கப்பட்டார்.

நமதுநிருபர்- M.முஹம்மது நியாஸ் – திருச்சி

செய்திகள் புகைப்படங்கள்

காய்ச்சல் பரிசோதனை முகாம் ஆட்சியர் தகவல்

IBINEWS நேரம் செப்டம்பர் 21, 2022 0

காய்ச்சல் பரிசோதனை முகாம்

ஆட்சியர் தகவல்

தமிழகத்தில் தற்போது இன்ஃப்ளுயன்சா காய்ச்சல் பாதிப்பு அதிகரித்து வருவதால் பல இடங்களில் காய்ச்சல் முகாம் நடைபெற்று வருகிறது.

1000 இடங்களில் தமிழகம் முழுவதும் காய்ச்சல் முகாம் நடைபெற்று வருகிறது. திருச்சி மாவட்டத்தில் இன்று காலை 8 மணி முதல் காய்ச்சல் பரிசோதனை முகாம் நடைபெற்று வருகிறது காய்ச்சல் பரிசோதனை முகாம் நடைபெறும் இடங்கள்:

1. அரசு ஆண்கள் மேல்நிலைப் பள்ளி

2. அரசு பெண்கள் மேல்நிலைப் பள்ளி

3.தேவி பள்ளி ஸ்ரீரங்கம்.

4.கார்ப்பரேஷன் நடுநிலைப்பள்ளி ஸ்ரீரங்கம்

5.அரங்கநாயகி தொடக்கப்பள்ளி.

6.ராஜன் பள்ளி..மேலசித்தரை வீதி.

7.அய்யனார் பள்ளி-மேலூர்

8.கிழக்கு ரெங்கா பள்ளி.

ஆகிய இடங்களில் நடைபெறுகிறது.

நமதுநிருபர்- M.முஹம்மது நியாஸ் – திருச்சி

"சுயசார்பு இந்தியா” முழக்கத்திற்கு தொழில்துறை வல்லுநர்களின் பங்கு முக்கியம் துணை ஜனாதிபதி

IBINEWS நேரம் செப்டம்பர் 21, 2022 0

"சுயசார்பு இந்தியா”

முழக்கத்திற்கு தொழில்துறை

வல்லுநர்களின் பங்கு முக்கியம்

துணை ஜனாதிபதி

“சுயசார்பு இந்தியா” முழக்கத்திற்கு தொழில்துறை வல்லுநர்களின் பங்கு முக்கியம் என்று துணை ஜனாதிபதி ஜெகதீப் தன்கர் கூறியுள்ளார்.

இந்திய நிறுவனங்களின் தகுதி மற்றும் திறமை மீது அதிக நம்பிக்கை வைத்துள்ளதாக கூறிய தன்கர், இன்றைய தொழில் முனைவோர் தலைமுறையினரால் புதிய நிறுவனங்கள், புதிய வேலைவாய்ப்புகள், புதிய ஏற்றுமதிகள் மற்றும் வளர்ச்சித் தொடர்பான பிரச்சனைகளுக்கு புதிய தீர்வுகள் போன்றவைகள் ஏற்படும் என்றார்.

அனைத்து இந்திய மேலாண்மை கூட்டமைப்பின் 49ஆவது தேசிய மேலாண்மை மாநாட்டை புதுதில்லியில் தொடங்கிவைத்த துணை ஜனாதிபதி, விவசாயத்துறையிலும் வளமான முன்னேற்றத்திற்கு தேவையான நடவடிக்கைகளை மேற்கொள்வது அவசியமானதாகும் என்றார்.

இந்திய நிறுவனங்களையும், அதில் பணியாற்றுபவர்களையும் உலகத் தரம் வாய்ந்ததாக உருவாக்கும் மத்திய அரசின் பல்வேறு நடவடிக்கைகளை மேற்கோள்காட்டிய துணை ஜனாதிபதி, மனித சக்தியின் தகுதி, திறனை மேம்படுத்துவதற்கு தொழில்துறை நிறுவனங்கள் பொறுப்பேற்று நடவடிக்கைகளை மேற்கொள்ள வேண்டும் என்றார்.

“டிஜிட்டல் தொழில் முனைவோர்கள் சிறிய நகரங்கள் மற்றும் ஊரக பகுதிகளில்கூட, தங்களின் பங்களிப்பை வழங்கி வருகின்றனர். இந்திய மனித வளமானது, உலக அளவில் அங்கீகாரம் பெற்று வருகிறது. இந்த மனித வளத்தின் தகுதி, திறமைகளை மேலும் கூர்த்தீட்டி, உலக அரங்கில் இந்தியாவை முன்னுக்கு கொண்டு வருவது அவசியமாகிறது.

இந்த பத்தாண்டு கால முடிவில், பொருளாதாரத்தில் சிறந்து விளங்கும் மூன்று முக்கிய நாடுகளில் இந்தியாவும் ஒன்றாக உருவாகி வருகிறது என்றார். கடந்த சில ஆண்டுகளாக மத்திய அரசின் பல்வேறு சீர்திருத்த நடவடிக்கைகள் மூலம் தொழில் தொடங்குவது தொடர்பான பிரச்சனைகளை தீர்த்து வருகிறது என்றார். வெளிப்படைத் தன்மையும், நம்பகத்தன்மையும் மத்திய அரசின் நிர்வாக அமைப்பின் அங்கங்களாக இருப்பதால் தான், ஜனநாயகமும், பொருளாதாரமும் சிறந்து விளங்குகின்றன என்றார்.

நமது நிருபர் - G.மோனிஷா - சென்னை

Pages

முராத் புஹாரி காலமானார்

ஐபிஐ நியூஸ் இரங்கல்

திருச்சி அருகே கிராமத்தில்

தீண்டாமை கொடுமையா?

ஆட்சியர் அதிரடி ஆய்வு

முராத் புகாரி மறைவு

தமிழ்நாடு இஸ்லாமிய களம் (TNIK)

நிறுவனத் தலைவர்

S.நகீப்கான் இரங்கல்

ரேசனில் பொருட்களே வாங்காதவார்கள் கெளரவ அட்டை வாங்கி கொள்ளலாம் ராதாகிருஷ்ணன்

இன்றைய யுகம்

பெண்களின் வளர்ச்சிக்குரியது

அனுராக் சிங் தாக்கூர்

எலக்ட்ரிக் ஸ்கூட்டர்

தீப்பிடித்ததால் பரபரப்பு

கால்நடை பல்கலைக்கழகத்தில்

நாளை(22.09.2022) ஆடு வளர்ப்பு பயிற்சி

திருச்சி மாநகரில் நாளை (22.09.2022)

மின் நிறுத்தம் செய்யப்படும் பகுதிகள்

முன்னாள் சபாநாயகர்

சேடப்பட்டி முத்தையா

காலமானார்

செல்போன், இரு சக்கர வாகனம்

திருடிய நபர் குண்டர் சட்டத்தில் கைது

காய்ச்சல் பரிசோதனை முகாம்

ஆட்சியர் தகவல்

"சுயசார்பு இந்தியா”

முழக்கத்திற்கு தொழில்துறை

வல்லுநர்களின் பங்கு முக்கியம்

துணை ஜனாதிபதி