IBINEWS

கொரோனா சிறப்பு தடுப்பூசி முகாம் கே.என்.நேரு ஆய்வு

திருச்சிராப்பள்ளி மாவட்ட ஆட்சியரகத்தில் இன்று நடைபெற்ற கொரோனா சிறப்பு தடுப்பூசி முகாமினை நகராட்சி நிர்வாகத் துறை அமைச்சர் கே.என்.நேரு நேரில் பார்வையிட்டு ஆய்வு செய்தார்

அப்போது பள்ளிக்கல்வித் துறை அமைச்சர் அன்பில் மகேஸ் பொய்யாமொழி, சட்டமன்ற உறுப்பினர்கள் செ.ஸ்டாலின்குமார், அ.சௌந்தரபாண்டியன், எம்.பழனியாண்டி, மேயர் மு.அன்பழகன் திருச்சிராப்பள்ளி ஆட்சியர் பிரதீப் குமார் ஆகியோருடன் அரசு அதிகாரிகள் உள்ளிட்ட பலர் உடனிருந்தனர்.

நமதுநிருபர்- R.நவாப் கான் - திருச்சி

செய்திகள் புகைப்படங்கள்

திருச்சி மாவட்ட ஆட்சியரகத்தில் கே.என்.நேரு ஆய்வு

IBINEWS நேரம் செப்டம்பர் 04, 2022 0

திருச்சி மாவட்ட ஆட்சியரகத்தில்

கே.என. நேரு ஆய்வு

திருச்சிராப்பள்ளி மாவட்ட ஆட்சியரகத்தில், அலுவலகப் பயன்பாட்டிற்கு கூடுதல் கட்டடம் கட்ட திட்டமிடப்பட்டு வந்த நிலையில், அப்பணிகள் தொடர்பாக நகராட்சி நிர்வாகத் துறை அமைச்சர் கே என் நேரு இன்று நேரில் கள ஆய்வு மேற்கொண்டார்

அப்போது சட்டமன்ற உறுப்பினர்கள் அ.செளந்தரபாண்டியன், செ.ஸ்டாலின்குமார், எம்.பழனியாண்டி, மாநகராட்சி மேயர் மு. அன்பழகன் ஆகியோருடன் அரசு அதிகாரிகள் உள்ளிட்ட பலர் உடனிருந்தனர்.

நமதுநிருபர்- K.ஷாகுல் ஹமீது - திருச்சி

செய்திகள் தகவல்கள் புகைப்படங்கள்

திருச்சியில் அமைச்சர்கள் திறந்து வைத்த புத்தகச்சுவர்

IBINEWS நேரம் செப்டம்பர் 04, 2022 0

திருச்சியில் அமைச்சர்கள்

திறந்து வைத்த புத்தகச்சுவர்

திருச்சி புத்தகத் திருவிழா வருகின்ற செப்டம்பர் 16 முதல் 26 வரை நடைபெறவுள்ளதை முன்னிட்டு நகராட்சி நிருவாகத் துறை அமைச்சர் கே.என்.நேரு மற்றும் பள்ளிக் கல்வித்துறை அமைச்சர் அன்பில் மகேஸ் பொய்யாமொழி திருச்சி மாவட்ட ஆட்சியரகத்தில் அமைக்கப்பட்ட புத்தகச்சுவரினை திறந்து வைத்தனர்.

பின்னர் பள்ளி மாணவர்கள் காசினை சேமித்து புத்தகம் வாங்கும் விதமாக உண்டியல்களை வழங்கியும், புத்தகத் திருவிழா இலச்சினையினை வெளியிட்டும், விழிப்புணர்வு ஸ்டிக்கர்கள் ஒட்டப்பட்ட குடிநீர் கேன்களை வழங்கியும், பேருந்துகளில் விழிப்புணர்வு ஸ்டிக்கர்களை ஒட்டியும் புத்தகத் திருவிழா விழிப்புணர்வு நிகழ்ச்சிகளை தொடங்கி வைத்தார்கள்.

திருச்சி புத்தகத் திருவிழா மத்திய பேருந்து நிலையத்தின் அருகில் உள்ள செயின்ட் ஜான் வெஸ்ட்ரி மேல்நிலைப்பள்ளி மைதானத்தில் நடைபெறவுள்ளது.

புத்தகம் வாசிக்கும் பழக்கத்தை ஊக்கப்படுத்தும் விதமாக, பொதுமக்கள் தாங்கள் வாசித்த நல்ல நூல்களையும், நேசிக்கும் புதிய நூல்களையும், தாமாக முன்வந்து நன்கொடையாக வழங்கிடும் வகையில் திருச்சி மாவட்ட ஆட்சியர் அலுவலகத்தில் புத்தகச் சுவர் அமைக்கப்பட்டுள்ளது. இங்கு சேகரிக்கப்படும் புத்தகங்கள் அனைத்தும் கிராமப்புற நூலகங்களுக்கு வழங்கப்படவுள்ளது.

மாணவர்கள் காசு சேமித்து அதனைக் கொண்டு புத்தகம் வாங்கி படிக்கும் பழக்கத்தை ஊக்கப்படுத்திடும் வகையில் உண்டியல்களை 200க்கு மேற்பட்ட மாணவர்களுக்கு வழங்கப்பட்டது. விளம்பர ஸ்டிக்கர்கள் அரசு பேருந்துகளிலும், திருச்சி மாவட்டம் முழுவதும் விநியோகிக்கப்படும் 20 லிட்டர் குடிநீர் கேன்களிலும் ஒட்டி விளம்பரப்பணி மேற்கொள்ளப்பட்டுள்ளது.

மேலும் திருச்சி மாவட்ட ஆட்சியர் அலுவலகத்தில் இருந்து அனுப்பப்படும் கடிதங்கள் அனைத்திலும், புத்தகத் திருவிழாவிற்கான விளம்பரம் முத்திரையிடப்பட்டு அனுப்பும் நடவடிக்கைகள் மேற்கொள்ளப்பட்டுள்ளது.

முன்னதாக, திருச்சிராப்பள்ளி மாவட்ட ஆட்சியரகத்தில் இன்று (04.09.2022) நடைபெற்ற மெகா கொரோனா சிறப்பு தடுப்பூசி முகாமினை நகராட்சி நிருவாகத்துறை அமைச்சர் மற்றும் பள்ளிக் கல்வித் துறை அமைச்சர் பார்வையிட்டனர்.

இந்நிகழ்வுகளில் மாவட்ட ஆட்சித் தலைவர் மா.பிரதீப் குமார், மாநகர காவல் ஆணையர் க.கார்த்திகேயன், மாநகராட்சி மேயர் மு. அன்பழகன், மாநகராட்சி ஆணையர் ஆர்.வைத்திநாதன், சட்டமன்ற உறுப்பினர்கள் செ.ஸ்டாலின் குமார், அ.சௌந்தரபாண்டியன், எம்.பழனியாண்டி,

மாவட்ட வருவாய் அலுவலர் இரா.அபிராமி, மாவட்ட நூலக அலுவலர் சிவக்குமார், மாவட்ட ஊரக வளர்ச்சி முகமை திட்ட இயக்குநர் வே.பிச்சை, உதவி இயக்குநர் (ஊராட்சிகள்) கங்காதாரணி, அரசு போக்குவரத்துக் கழக பொதுமேலாளர் சக்திவேல் மற்றும் மண்டலத் தலைவர்கள், மாமன்ற உறுப்பினர்கள், உள்ளாட்சி அமைப்புகளின் பிரதிநிதிகள், ஆசிரியர்கள், மாணவர்கள் அரசுத்துறை அலுவலர்கள், வாசகர் வட்டத்தினர், எழுத்தாளர் சங்கத்தினர் உள்ளிட்ட பலர் கலந்து கொண்டனர்.

நமதுநிருபர்- M.முஹம்மது நியாஸ் – திருச்சி

செய்திகள் தகவல்கள் புகைப்படங்கள்

இளையான்குடி தாய்த்தமிழ் கலை பண்பாட்டுப்பள்ளி மாணவர்கள்உலக சாதனை

IBINEWS நேரம் செப்டம்பர் 04, 2022 0

இளையான்குடி தாய்த்தமிழ்

கலை பண்பாட்டுப்பள்ளி

மாணவர்கள்உலக சாதனை

இன்று 04.09.22 ல் சிவகங்கையில் நடைபெற்ற குளோபல் வேர்ல்டு ரெக்கார்டு மற்றும் மூவேந்தர் சிலம்பம்& தமிழரின் பாரம்பரிய கலை வளர்ச்சி கழகம் சார்பாக இணைந்து ஒற்றைக்காலில் 1 மணி நேரம் சிலம்பம் சுற்றலுக்காக பல்வேறு மாவட்டங்களில் இருந்து 500 மாணவர்கள் பங்கேற்றனர்.

இதில் புதூர்-இளையான்குடியில் செயல்பட்டு வரும் தாய்த்தமிழ் கலை பண்பாட்டுப்பள்ளி மாணாக்கர்கள் அப்துர் ராபியு, சித்திக்குமார், ரமாதேவி, தொல்காப்பியா@ஹர்சிதா மற்றும் தியா ஆகியோர் பங்கு பெற்று உலக சாதனை புரிந்தனர்.

நிகழ்வினை சிவகங்கை மாவட்ட ஆட்சித்தலைவர் மதுசூதனன் ரெட்டி கொடியசைத்து துவக்கி வைத்தார். பல்வேறு சிறப்பு விருந்தினர்களோடு நடைபெற்ற உலக சாதனை நிகழ்வை சிவகங்கை மாவட்ட மல்லர் கம்பம் சங்கத்தின் மாவட்ட செயலாளர் நாக.கலைச்செல்வம் தனது நண்பர்களோடு ஒருங்கிணைத்து செயல்படுத்தினார்.

நிகழ்வில் தாய்த்தமிழ் கலை பண்பாட்டுப்பள்ளியின் நிறுவனர் கவிஞர் சோதுகுடி சண்முகன், தாய்த்தமிழ் கலை பண்பாட்டுப்பள்ளியின் ஆசான்கள் காளீஸ்வரன் மற்றும் கோகுல சபரி சிவம் மற்றும் பெற்றோர்களும் கலந்து கொண்டனர்.

உலகசாதனை புரிந்த மாணாக்கர்களை தாய்த்தமிழ் கலை பண்பாட்டுப்பள்ளியின் தலைவர் சரவணன், செயலர் மாணிக்கம் மற்றும் நிர்வாக தலைமை ஆலோசகரும் இராமநாதபுர சிலம்பாட்ட கழகத்தின் மாவட்ட செயலாளருமான தில்லைக்குமரன் மற்றும் பெற்றோர்கள் பொதுமக்கள் என அனைவரும் வெகுவாக பாராட்டினர்.

தகவல் - இளையான்குடி M.ஷாஜஹான்

ஆசிரியர் - மறுமைவெற்றி&உண்மைஉணர்வு மாத இதழ்கள்

செய்திகள் தகவல்கள் புகைப்படங்கள்

எஜுகேசனல் அகாடமி கல்வி உதவித் தொகை வழங்கும் விழா

IBINEWS நேரம் செப்டம்பர் 04, 2022 0

எஜுகேசனல் அகாடமி

கல்வி உதவித்தொகை வழங்கும் விழா

நேற்று சனிக்கிழமை மாலை பி.பி.அக்ரஹாரம் ரவி மஹாலில் ஈரோடு எஜுகேசனல் அகாடமி சார்பில் நடைபெற்ற பதினாறாம் ஆண்டு கல்வி உதவித். தொகை வழங்கும் விழா சிறப்பாக நடைபெற்றது.பதினாறும் பெற்று பெரு வாழ்வு வாழ்க எனக் கூறுவார்கள்.அந்த பதினாறு நற்பலன்களை வழங்க முன்னோடியாக இருக்கும் கல்வியின் சிறப்பை கூறுமளவுக்கு விழா அமைந்தது.

சிறப்பு அழைப்பாளராக மாணவர்களின் முன்னோடியாக திகழும் நமது மாவட்டஅடிசனல் கலெக்டர் மதுபாலன் ஐ.ஏ.எஸ் முன்னிலை வகிக்க ,ஹாஜி அயூப் வரவேற்புரை நல்க, கேகேஎஸ்கே ரபீக் ஹாஜியார் தலைமை உரை வழங்க,மருத்துவர் ஹாஜி அபுல் ஹசன் திட்ட விளக்க உரை நிகழ்த்த , ஹாஜி டாக்டர் சையது சபியுத்தீன் நன்றியுரை நல்கினார்.

ஹாஜி சையது இப்ராஹீம் அதனைச் செம்மையாக சீர்படுத்தி வரலாற்று சான்றுகளோடு சொற் பெருக்காற்றினார்.

முன்னூற்றி ஐம்பதுக்கும் மேற்பட்ட மாணவ மாணவிகள் ரூபாய் ஆயிரம் முதல் அதிகபட்சமாக ரூபாய் நான்காயிரம் வரை கல்வி உதவித் தொகை பெற்றனர்.கல்வி உதவித் தொகை வழங்கிய நல் உள்ளங்களுக்கு வல்ல அல்லாஹ் மென்மேலும் செல்வச் செழிப்புடன் விளங்கும் வாழ்க்கையைத் தந்தருள்வானாக! நோய் நொடியற்ற நல்வாழ்வினை நல்குவானாக!!

இவ்வாறு உண்மைஉணர்வு மாத இதழ் ஆசிரியர் M.ஷாஜஹான் தெரிவித்துள்ளார்.

அறிவிப்புகள் செய்திகள் தகவல்கள்

திருச்சியில் தீபாவளிக்கு பட்டாசு கடை மாவட்ட ஆட்சியர் தகவல்

IBINEWS நேரம் செப்டம்பர் 04, 2022 0

திருச்சியில் தீபாவளிக்கு பட்டாசு கடை

மாவட்ட ஆட்சியர் தகவல்

தீபாவளி பண்டிகை அக்டோபர் 24ஆம் தேதி கொண்டாடப்படுகிறது. இதனை முன்னிட்டு திருச்சி மாவட்டத்தில் புதிய தற்காலிக பட்டாசு சில்லறை வணிகம் செய்ய இருப்பு வைத்துக்கொள்ள தற்காலிக உரிமம் கோரும் விண்ணப்பதாரர்கள் செப்டம்பர் 1ஆம் தேதி முதல் 30ஆம் தேதி வரை இ-சேவை மையங்களில் உரிய ஆவணங்களுடன் இணையதளத்தில் விண்ணப்பிக்கலாம். அதன் பிறகு அளிக்கப்படும் விண்ணப்பங்கள் ஏற்கப்படாது என்று மாவட்ட ஆட்சியர் பிரதீப் குமார் தெரிவித்துள்ளார்.

நமதுநிருபர்- M.முஹம்மது நியாஸ் – திருச்சி

கோரிக்கை செய்திகள் தகவல்கள்

திருச்சியில் பள்ளத்தில் சிக்கிய லாரி போக்குவரத்து பாதிப்பு - பொதுமக்கள் அச்சம்

IBINEWS நேரம் செப்டம்பர் 04, 2022 0

திருச்சியில் பள்ளத்தில் சிக்கிய லாரி போக்குவரத்து பாதிப்பு - பொதுமக்கள் அச்சம்

திருச்சி,தென்னூர் அரசமரத்தடி பேருந்து நிறுத்தத்தில் சற்று நேரத்திற்கு முன்பாக சிவன் கோவில் அருகே லாரி ஒன்று பெரும் பள்ளத்தில் மாட்டிக் கொண்டு சிறிது சாய்ந்த நிலையில் சாலையின் நடுவே நின்றது.

இதனால் சிறிது நேரம் அப்பகுதியில் போக்குவரத்து நெரிசல் ஏற்பட்டது.

லாரி ஓட்டுநரின் சாமர்த்தியத்தால் லாரி சாய்ந்து விடாமல் சிறிது நேரத்திற்கு பிறகு நிலைநிறுத்தப்பட்டு பள்ளத்திலிருந்து கடந்து சென்றது.

வாகன ஓட்டிகள் பெரும் அச்சத்திற்குள்ளாகிய இச்சம்பவம் அப்பகுதியில் பெரும் பரபரப்பை ஏற்படுத்தியது.பள்ளத்தின் அருகே நடுநிலைப்பள்ளி இருப்பதால் இந்த சம்பவத்தை கருத்தில் கொண்டு கவனம் செலுத்தி உடனடியாக சரிசெய்து கொடுத்திட வேண்டுமென்பதே அப்பகுதி மக்களின் கோரிக்கை.

நமதுநிருபர்- M.முஹம்மது நியாஸ் - திருச்சி

செய்திகள் தகவல்கள் புகைப்படங்கள்

இந்திய அஞ்சல் துறையின் சிறப்பு"ஆதார்"முகாம் TNTJ ஏற்பாடு

IBINEWS நேரம் செப்டம்பர் 04, 2022 0

இந்திய அஞ்சல் துறையின் சிறப்பு"ஆதார்"முகாம் TNTJ ஏற்பாடு

தமிழ்நாடு தவ்ஹீத் ஜமாத் தென்சென்னை மாவட்டம் சேப்பாக்கம் கிளையில் இந்திய அஞ்சல் துறையின் சிறப்பு "ஆதார்" முகாம் நடைபெற்றது. இந்த நிகழ்வில் அப்பகுதியைச் சேர்ந்த பல தரப்பட்ட மக்களும் கலந்து பயனடைந்தனர். நேற்று (03.09.2022) நடந்த முகாமில் சுமார் ஐம்பதிற்கும் மேற்பட்டவர்கள் ஆதாரில் திருத்தம் செய்தனர்.

TNTJ சேப்பாக்கம் கிளையின் நிர்வாகிகளுக்கு இம்முகாமில் கலந்து கொண்டவர்கள் மகிழ்ச்சியோடு தங்களின் நன்றியையும் தெரியப்படுத்தினர்.

நேற்று நடந்த சிறப்பு முகாம் காலை 10 மணி முதல் மாலை 5 மணி வரை நடந்தது.முகாம் முடிந்த பிறகும் சிலர் வந்தனர் அவர்களின் அதார்திருத்தம் செய்ய முடியவில்லை. மீண்டும் இது போன்ற ஒரு சிறப்பு முகாம் நடத்த அவர்கள் TNTJ வினருக்கு வேண்டுகோள் வைத்தனர்.

தகவல் - ஷாஜஹான் - ஆசிரியர் - மறுமைவெற்றி