MagPress Blogger Template
ஒவ்வொருவருக்குமான அதிகாரம்
இன்று (23/7/22)மாலை 4 மணிக்கு மத்திய சென்னை கிழக்கு மாவட்ட காங்கிரஸ் தலைவர் சென்னை மாமன்ற உறுப்பினர் வழக்கறிஞர்.சிவ ராஜசேகரன் M.A.B.L., MC அவர்களின் அலுவலகம் திருவல்லிக்கேணியில் திறக்கப்பட்டது.
.jpeg)
 |
தகவல் = S.A.N.K.நகீப்கான் - துணை ஆசிரியர்-IBI NEWS
திருச்சிராப்பள்ளி மத்திய பேருந்து நிலையம் அருகில் உள்ள கலையரங்கத்தில், வேளாண் – உழவர் நலத்துறை மற்றும் பல்வேறு துறைகளின் சார்பில் பயாளிகளுக்கு நலத்திட்ட உதவிகள் வழங்கும் விழா இன்று நடைபெற்றது. இவ்விழாவில் கலந்து கொண்டு 3,175 பயனாளிகளுக்கு ரூ.11.15 கோடி மதிப்பிலான பல்வேறு அரசு நலத்திட்ட உதவிகளை வழங்கினார் நகராட்சி நிர்வாக துறை அமைச்சர் கே என் நேரு
.jpeg)
.jpeg)
.jpeg)
.jpeg)
.jpeg)
சேலத்தில் உள்ள கூட்டுறவு நூற்பாலையினை நேரில் பார்வையிட்டு ஆய்வு செய்தார் நகராட்சி நிர்வாக துறை அமைச்சர் கே என் நேரு.அப்போது, இக்கூட்டுறவு நூற்பாலையினை மேம்படுத்துவது குறித்து அதிகாரிகளுக்கு ஆலோசனை வழங்கினார். இந்த ஆய்வின்போது வேளாண்துறை அமைச்சர் எம்.ஆர்.கே.பன்னீர்செல்வம், கைத்தறி மற்றும் துணிநூல்துறை அமைச்சர் ஆர்.காந்தி, சட்டமன்ற உறுப்பினர் இரா.ராஜேந்திரன், மாநகர மேயர் ராமச்சந்திரன், ஆகியோருடன் அரசு அதிகாரிகள் பலர் உடனிருந்தனர்.
தமிழக முன்னாள் முதல்வா் கருணாநிதியின் பிறந்தநாளையொட்டி ராமநாதபுரம் மாவட்ட அனைத்துப் பள்ளி மாணவ, மாணவியருக்கு மாவட்ட அளவிலான பேச்சுப் போட்டி வரும் ஜூலை 28 ஆம் தேதி நடத்தப்படுகிறது.
ராமநாதபுரம் வெளிப்பட்டிணம் பகுதியில் உள்ள செய்யதம்மாள் மேல்நிலைப் பள்ளி வளாகத்தில் இப்போட்டி நடத்தப்படுகிறது. போட்டியில் பங்கேற்று வெற்றி பெறும் மாணவா்களுக்கு முதல் பரிசாக ரூ.5 ஆயிரம், இரண்டாம் பரிசு ரூ.3 ஆயிரம், 3 ஆம் பரிசு ரூ.2 ஆயிரம் மற்றும் பாராட்டுச் சான்றுகளும் வழங்கப்படவுள்ளன.
போட்டியில் அரசுப் பள்ளி மாணவ, மாணவிகள் இருவா் தோவு செய்யப்பட்டு சிறப்பு பரிசாக தலா ரூ. 2 ஆயிரம் வழங்கப்படும்.இதில் அனைத்து பள்ளிகளையும் சோந்த 6 ஆம் வகுப்பு முதல் பிளஸ் 2 வரையிலான மாணவ, மாணவிகள் பங்கேற்கலாம்.
மேலும் விவரங்களுக்குமாவட்ட ஆட்சியா் அலுவலக வளாகத்தில் உள்ள தமிழ் வளா்ச்சித் துறையை நேரிலோ அல்லது 9952289798 என்ற கைப்பேசி எண்ணிலோ தொடா்பு கொள்ளலாம்
நமதுநிருபர்- M.ஜமால் முஹம்மது - சென்னை
பல்வேறு நிகழ்ச்சிகளில் கலந்து கொள்ள இன்று (23 ஜூலை) மதுரை வருகை தந்த இராமநாதபுரம் நாடாளுமன்ற உறுப்பினரும்,IUML மாநில துணை தலைவருமான K. நவாஸ் கனி M.P., மற்றும் தருமபுரி நாடாளுமன்ற உறுப்பினர் Dr.S.செந்தில் குமார் M.P., அவர்களையும் மதுரை முஸ்லிம் ஐக்கிய ஜமாத் தலைவர் லியாகத் அலி, மதுரை அவ்தா காதர், தாஜூதீன், ஹபீப் முஹம்மது, எல்லிஸ் ஜமீல், மஹபூப் பாஷா ஆகியோர் வரவேற்றனர்.
இராமநாதபுரம், பெருநாழியில் கல்வித்துறை அமைச்சர் அன்பில் மகேஷ் பொய்யாமொழி மற்றும் பிற்படுத்தப்பட்டோர் நலத்துறை அமைச்சர் ஆர்.எஸ்.இராஜகண்ணப்பன் ஆகியோர் பெருந்தலைவர் காமராஜர் வணிக வளாகத்தை திறந்து வைத்து, பள்ளிகள் 75’ம் ஆண்டு பவள விழாவிலும் கலந்துகொண்டு சிறப்பித்தனர்.
நமதுநிருபர்- M.முஹம்மது நியாஸ் - திருச்சி
கமுதி அருகே முத்துசெல்லையாபுரம் என்ற கிராமம் அமைந்துள்ளது. இங்கு நூற்றுக்கும் மேற்பட்ட விவசாய கூலி தொழிலாளர் குடும்பங்கள் வசித்து வருகின்றன. இந்த கிராமத்தில் குடிநீர் பிரச்சினை என்பது பல ஆண்டுகளாக தொடர்ந்து வருவதாக தகவல்கள் தெரிவிக்கின்றன. காவிரி கூட்டுக் குடிநீர் திட்டத்தின் மூலம் இப்பகுதியில் குடிநீர் வசதிக்கான ஏற்பாடுகள் முன்னெடுக்கப்பட்டன.
ஆனால் முத்துசெல்லையாபுரம் கிராமத்தில் முறையாக செயல்படுத்தவில்லை என்ற குற்றச்சாட்டு எழுகிறது. ஊராட்சி நிர்வாகத்தின் சார்பில் முறையான நடவடிக்கைகள் எடுக்காததால் 10 ஆண்டுகளுக்கும் மேலாக குடிநீர் விநியோகம் சரியாக இல்லை என்கின்றனர். இதனால் குடங்களுடன் தண்ணீருக்காக அலையும் நிலை காணப்படுகிறது.
குறிப்பாக மழை காலங்களில் பெய்யும் மழை நீரானது, இந்த கிராமத்தில் உள்ள ஊரணிகளில் தேக்கி வைக்கப்படுகிறது. அந்த கலங்கிய சுகாதாரமற்ற முறையில் உள்ள மண்டி தண்ணீரையே கிராம மக்கள் தள்ளுவண்டியில் எடுத்து செல்கின்றனர். பின்னர் சுண்ணாம்பு கற்களை போட்டு தெளியவைத்து குடிநீராக குடித்து வருகின்றனர்.
இதன் காரணமாக முத்துசெல்லையாபுரம் கிராமத்தை சேர்ந்த பொதுமக்களுக்கு கல்லடைப்பு, காய்ச்சல், இருமல் போன்ற உடல் உபாதைகள் ஏற்படுவதாக தெரிகிறது. மேலும் குடிநீர் பிரச்சினை தீராத பிரச்சினையாக தொடர்ந்து வருவதால், இந்த கிராமத்தில் உள்ள இளைஞர்களுக்கு அருகிலுள்ள கிராமங்களில் சென்று பெண் கேட்டால் யாரும் தர முன்வருவதில்லை என்று கூறப்படுகிறது.
தங்கள் கிராமப் பெண்களின் தலையில் மண்டி தண்ணீரை சுமந்து செல்ல முடியாது என்று கறாராக கூறிவிடுகின்றனர். இதனால் வெளியே பெண் கிடைக்காமல் முத்துசெல்லையாபுரம் கிராமத்திற்கு உள்ளேயே பெண் பார்த்து திருமணம் முடிக்க வேண்டிய நிலைக்கு தள்ளப்படுகின்றனர்.
இதுதொடர்பாக மாவட்ட நிர்வாகம் உடனடியாக கவனிக்க வேண்டும். சுகாதாரமான முறையில் காவிரி கூட்டுக் குடிநீர் திட்டத்தை செயல்படுத்தி தண்ணீரை விநியோகம் செய்ய வேண்டும் என்று கிராம மக்கள் கோரிக்கை விடுத்துள்ளனர்.
நமதுநிருபர்- M.ஜமால் முஹம்மது - சென்னை