ஜூலை 2022

நேரம் ஜூலை 31, 2022 0

முஸ்லிம் யூத் லீக் நினைவேந்தல் யாத்திரை 

கே.ஏ.எம்.முஹம்மது அபூபக்கர்

பாத்திமா முஸப்பர் எம்.சி. பங்கேற்பு


கேரளா பானக்காட்டில் துவங்கிய மங்கடா தொகுதி முஸ்லிம் யூத் லீக் நினைவேந்தல் யாத்திரை சென்னையில் நிறைவு.
கே.ஏ.எம்.முஹம்மது அபூபக்கர்,பாத்திமா முஸப்பர் எம்.சி. பங்கேற்பு.


கேரள மாநிலம் மங்கடா சட்டமன்ற தொகுதி முஸ்லிம் யூத் லீக் பிரதிநிதிகள் சம்ரிதி யாத்திரா என்ற நினைவேந்தல் யாத்திரை ஜூலை 28ம் தேதி பானக்காட்டில் துவங்கியது. அங்கு மாநில தலைவர் சையது சாதிக் அலி சிகாப்தங்கள் உள்ளிட்ட நிர்வாகிகளை சந்தித்ததோடு, மறைந்த தலைவர்களின் நினைவிடங்களுக்கு சென்று பிரார்த்தித்தனர். மூத்த முன்னோடிகளை சந்தித்து வாழ்த்து பெற்றனர்.முஸ்லிம் யூத் லீக் பிரதிநிதிகளை முன்னாள் அமைச்சர் மஞ்சலம்குழி அலி வாழ்த்தி வலியனுப்பினார்.

யாத்திரை பிரதிநிதிகள் 30-07 -2022 அன்று சென்னை வந்து காயிதேமில்லத், சிராஜுல்மில்லத் ஆகியோர் நினைவிடங்களுக்கு சென்று பிரார்த்தித்தனர். தொடர்ந்து 

சென்னை நுங்கம்பாக்கத்திலுள்ள மகளிரணி மண்டல ஒருங்கிணைப்பாளர் ஏ.எம்.ஜெய்தூண் வணிக கட்டிட அரங்கில் கலந்துரையாடல் நிகழ்ச்சி மங்கடா தொகுதி யூத் லீக் தலைவர் ரபி கலத்தூர் தலைமையில் நடைபெற்றது.செயலாளர் அனீஸ் வெல்லிலா வரவேற்றார்.அமீர் பதாரி யாத்திரை விளக்கவுரையாற்றினார்.







யூத் லீக் கேரள மாநிலக் குழு உறுப்பினர் குரிக்கல் முனீர், மாவட்ட செயலாளர் டி.பி. ஹாரிஸ், பொருளாளர் சிகாப் சோலாயில், துணைத்தலைவர்கள் ஜஹபர் அலி தெரம்மன், 

டி.சாகுல்ஹமீது,முஹம்மது அலி குன்னம்,நிசார் போங்க், அன்சர்  கொடிலங்காடி உள்ளிட்டோர் கருத்துரையாற்றினர்.இறையன்பன் குத்தூஸ் பாடிய "முனீருல் மில்லத்தும் முதல்வர் தளபதியும் நாட்டின் இரு கண்கள் " என்ற பாடல் சி.டி.வெளியிடப்பட்டது.

தமிழ்நாடு மாநில பொதுச் செயலாளர் கே.ஏ.எம்.முஹம்மது அபூபக்கர், மகளிரணி தேசிய தலைவர் ஏ.எஸ். பாத்திமா முஸப்பர் எம்.சி.,ஆகியோர் சிறப்புரையாற்றினர்.


நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 31, 2022 0

குடியரசுத் துணைத் தலைவர் வெங்கையா நாயுடுவுக்கு முதலமைச்சர் மு.க.ஸ்டாலின் சதுரங்க நினைவுப் பரிசினை வழங்கினார்.


சென்னை,எழும்பூர்,இராஜரத்தினம் விளையாட்டு அரங்கத்தில் நடைபெற்ற குடியரசுத் தலைவரின் கொடி வழங்கும் விழாவில்,இந்திய குடியரசுத் துணைத் தலைவர் எம்.வெங்கையா நாயுடுவுக்கு முதலமைச்சர் மு.க.ஸ்டாலின் சதுரங்க நினைவுப் பரிசினை வழங்கினார்.

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 31, 2022 0

கல்லூரி அளவில் ஆட்கடத்தல் எதிர்ப்பு குழு தொடக்கம்



இன்று உலக ஆட்கடத்தல் எதிர்ப்பு தினம்-2022 முன்னிட்டு திருச்சி காவேரி மகளிர் கல்லூரியில் உலக ஆட்கடத்தல், பெண்கள் குழந்தைகளுக்கான வன்முறையை தடுக்கும் பொருட்டு கல்லூரி அளவில் உலக ஆட்கடத்தல் எதிர்ப்பு குழு உருவாக்க தொடக்க நிகழ்ச்சி நடைபெற்றது.


இதில் சிறப்பு விருந்தினராக P.அஜீம் காவல் ஆய்வாளர், குழந்தை மற்றும் மனித கடத்தல், திருச்சி மாநகரம் கலந்து கொண்டு பேசுகையில்... தற்போது பெருகிவரும் புதிய தொழில் நுட்பம் மூலம் நடைபெறும் தவறுகள் அதில் நாம் பின்பற்ற வேண்டிய வழிமுறைகள் பற்றி விரிவாக பேசினார்.


பின்னர் இக்குழுவை வழிநடத்த மக்கள் மேம்பாட்டு வினையகம் (PDI) மற்றும் காவேரி மகளிர் கல்லுரி இருவருக்கும் ஒப்பந்தம் கையெழுத்திடப்பட்டது. முடிவில் ஆட்கடத்தல் பற்றிய குறும்படம் மூலம் மாணவர்களுக்கு விளக்கி காண்பிக்கபட்டது.

Read more »

நேரம் ஜூலை 30, 2022 0

அண்ணா அறிவாலயத்திற்கு

சித்தராமையா வருகை

மு.க.ஸ்டாலின் வரவேற்றார்.


அண்ணா அறிவாலயத்திற்கு வருகை தந்த கர்நாடக மாநில முன்னாள் முதலமைச்சர் சித்தராமையா அவர்களை முதலமைச்சர் மு.க.ஸ்டாலின் பொன்னாடை அணிவித்து, புத்தகம் வழங்கி வரவேற்றார்.
Read more »

நேரம் ஜூலை 30, 2022 0

திருச்சியில் கோவாக்சின் தடுப்பூசி இலவசம்

  
கொரோனா தொற்று நாளைக்கு நாள் அதிகரித்து வரும் நிலையில் அதை தடுப்பதற்காக முன்னெச்சரிக்கை நடவடிக்கையாக சில வழிமுறைகளை தமிழக அரசு வகுத்துள்ளது. இதன் ஒரு பகுதியாக காவேரி மருத்துவமனை சார்பில் பொதுமக்களுக்கு தடுப்பூசி செலுத்துவதில் தனிக் கவனம் செலுத்தி வருகிறது.

தற்பொழுது காவேரி தென்னூர் மருத்துவமனையில் கோவாக்சின் தடுப்பூசி முற்றிலும் இலவசமாக போடப்படுகிறது. இதில் முதல் மற்றும் இரண்டாவது தவணை மற்றும் பூஸ்டர் தடுப்பூசிகளை செலுத்திக் கொள்ளலாம்.

ஜூலை 26 ஆம் தேதி தொடங்கிய இந்த இலவச தடுப்பூசி அடுத்த மாதம் ஆகஸ்டு 9ஆம் தேதி வரை நடைபெற இருக்கிறது. இந்த கோவாக்சின் தடுப்பூசி செலுத்தி கொள்வதற்கு 73738730809 என்ற எண்ணில் தொடர்பு கொண்டு முன்பதிவு செய்து கொள்ள வேண்டும்.

Read more »

நேரம் ஜூலை 30, 2022 0

'இந்தியா - 75' கருத்தரங்கில் முதலமைச்சர் மு.க.ஸ்டாலின் உரை



கேரள மாநிலம் திருச்சூரில், மலையாள மனோரமா நியூஸ் சார்பில் நடைபெற்ற 'இந்தியா - 75' என்ற தலைப்பிலான கருத்தரங்கில் முதலமைச்சர் மு.க.ஸ்டாலின்  காணொலிக் காட்சி வாயிலாக கலந்து கொண்டு உரையாற்றினார்.

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 30, 2022 0

ஒரு கிலோமீட்டர் தூரம் பிரேக் பிடிக்காமல் வந்த அரசு டவுன் பஸ், எம்ஜிஆர் ரவுண்டானாவில் மோதியது.

பதட்டம் பயணிகள் ஓட்டம்






திருச்சி மத்திய பேருந்து நிலையத்திலிருந்து சத்திரம் பேருந்து நிலையம் நோக்கி சென்றTN 45 N 3534 என்ற அரசு பேருந்து பிரேக் பிடிக்காததால் கட்டுப்பாடு இழந்து எம்ஜிஆர் சிலை ரவுண்டானாவில் மோதி நின்றது. பதட்டத்தில் பயணிகள் இறங்கி ஓடியும் முன்னே அமர்ந்திருந்த பெண் பயணிகள் ஐந்து பேருக்கு சிறு காயமும் ஏற்பட்டுள்ளது. நீதிமன்றம் அருகே உள்ள எம்ஜிஆர் சிலை பகுதியில் தற்போது போக்குவரத்து நெரிசல் ஏற்பட்டுள்ளது.


திருச்சி முத்தரையர் சிலையிலிருந்து பிரேக் பிடிக்கவில்லை என ஓட்டுனர் சகாய சவுரிமுத்து கூச்சலிட்டதால் பயணிகள் பதட்டம் அடைந்தனர் .ஒரு கிலோ மீட்டர் தூரம் சாதுரியமாக யார் மீதும் மோதாமல் பேருந்தை ஒட்டி வந்து எம்ஜிஆர் ரவுண்டானவில் மோதி நிறுத்தினார்.போக்குவரத்து காவல்துறையினர் வாகன நெரிசலை சீர்செய்து வருகின்றனர்.

 நமதுநிருபர்- M.முஹம்மது நியாஸ் - .திருச்சி


Read more »

நேரம் ஜூலை 30, 2022 0

திருவெறும்பூர் தொகுதி, செந்தண்ணீர்ப்புரத்தில் புதிய பேருந்து நிறுத்தத்தினை திறந்து வைத்தார் அமைச்சர் அன்பில் மகேஷ் பொய்யாமொழி

தனது திருவெறும்பூர் தொகுதி, செந்தண்ணீர்ப்புரம் மக்களின் கோரிக்கையை ஏற்று ரூ.12 இலட்சம் மதிப்பில் அமைக்கப்பட்ட புதிய பேருந்து நிறுத்தத்தினை திறந்து வைத்தார் கல்வித்துறை அமைச்சர் அன்பில் மகேஷ் பொய்யாமொழி





இந்நிகழ்வில் துணை மேயர்.திவ்யா,மண்டல தலைவர் மு.மதிவாணன், பகுதி செயலாளர்கள் ஓ. நீலமேகம், இ.எம்.தர்மராஜ், TPSS.ராஜ்முகமது,மோகன், G.மணிவேல், வட்ட செயலாளர் ரெங்கநாதன் ஆகியோரும் கழக நிர்வாகிகளும், தொண்டர்களும் பொதுமக்களும் கலந்து கொண்டு சிறப்பித்தார்கள்.


நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 30, 2022 0

புளியங்கடை ஊராட்சி ஒன்றிய துவக்கப்பள்ளி பழுது அமைச்சர் அன்பில் மகேஷ் பொய்யாமொழி நேரில் சென்று  ஆய்வு

சேலம் மாவட்டம் ஏற்காடு தொகுதிகுட்பட்ட புளியங்கடை ஊராட்சி ஒன்றிய துவக்கப்பள்ளி பழுதடைந்துள்ளதாக இன்று (30/07/2022)  காலை பத்திரிகைகளில் செய்தி வந்தது. செய்தியை படித்த உடனே  புளியங்கடை ஊராட்சி ஒன்றிய துவக்கப்பள்ளிக்கு  நேரில் சென்று  ஆய்வு மேற்கொண்டார் பள்ளிக்கல்வித்துறை அமைச்சர் அன்பில் மகேஷ் பொய்யாமொழி. பள்ளியை பார்வையிட்டு விரைந்து நடவடிக்கை எடுப்பதாக ஊர் மக்களிடம் உறுதி அளித்தார்.


மேலும்,ஏற்காடு தொகுதி அ.தி.மு.க சட்டமன்ற உறுப்பினர்.சித்ரா அவர்களை தொடர்புகொண்டு பள்ளி சீரமைப்பு பற்றி விவாதித்தார்,மாவட்ட ஆட்சியர் அவர்களிடமும் ‘புதிய கட்டிடம் அமைப்பதற்கு தேவையான நடவடிக்கையை உடனே செய்யுமாறும், துறை ரீதியான உதவிகளை செய்வதற்கு காத்திருப்பதாகவும்’ உறுதியளித்தார் 


முதல்வர் அவர்களின் வழியில்,ஆரோக்கியமான விமர்சனங்களுக்கும், நியாயமான கோரிக்கைகளுக்கும் எப்போதும் முன்னுரிமை கொடுப்போம்! அரசு பள்ளி என்பது வறுமையின் அடையாளம் அல்ல! பெருமையின் அடையாளம் என்பதை நிரூபிப்போம்.



இவ்வாறு பள்ளிக்கல்வித்துறை அமைச்சர் அன்பில் மகேஷ் பொய்யாமொழி   கூறினார்.

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 30, 2022 0

இரண்டாம் கட்ட மெட்ரோ பணி - ஜும்ஆ பள்ளிக்கு  பாதிப்பு - வக்பு வாரியத்தலைர் எம்.அப்துல் ரஹ்மான் நேரில் ஆய்வு





இரண்டாம் கட்ட மெட்ரோ பணியால் மயிலாப்பூர் கச்சேரி ரோடு ஜும்ஆ பள்ளிக்கு  பாதிப்பு தமிழ்நாடு வக்பு வாரியத்தலைர் எம்.அப்துல் ரஹ்மான் Ex.எம்பி  நேரில் ஆய்வு

சென்னையில் இரண்டாம் கட்ட மெட்ரோ இரயில் திட்டப்பணிகள் ரூ. 61,843 கோடி மதிப்பில் 118.9 கீ.மி தூரத்திற்கு நடைபெற்று வருகிறது. இந்த திட்டத்தில் கலங்கரை விளக்கம் - பூந்தமல்லி வரை 26.1 கி.மீ தொலைவுக்கும், மாதவரம் - சோழிங்கநல்லூர் வரை 47 கி.மீ தொலைவுக்கும், மாதவரம் - சிறுசேரி சிப்காட் வரை 45.8 கி.மீ தொலைவுக்கும் 3 வழித்தடங்களில் மெட்ரோ ரயில் திட்டப்பணி நடைபெறுகிறது.

இந்த இரண்டாம் கட்ட மெட்ரோ ரயில் திட்டத்தில் கலங்கரை விளக்கம் - பூந்தமல்லி வரை உள்ள  வழித்தடத்தில் மயிலாப்பூரில் 3 அடுக்குகளில் மெட்ரோ ரயில் நிலையம் அமையவிருப்பதாக கடந்த மே மாதம் மெட்ரோ ரயில் நிலைய அதிகாரிகள் அறிவித்திருந்தனர்.

மெட்ரோ ரயில் நான்காம் வழித்தடத்தில் மயிலாப்பூர் கபாலீஸ்வரர் கோவில், வடபழனி முருகன் கோவில், வடபழனி வெங்கீஸ்வரர் கோவில், வடபழனி அழகர் பெருமாள் கோவில், விருகம்பாக்கம் சுந்தரவரதராஜ பெருமாள் கோவில், வளசரவாக்கம் வேல்வீஸ்வரர் கோவில், பூந்தமல்லி வரதராஜ பெருமாள் கோவில் ஆகிய புராதன கோவில் கட்டிடங்களும், 

சாந்தோம் தேவாலயம், ரோசரி தேவாலயம் உள்ளிட்ட மூன்று தேவாலயங்கள், 350 வருட பழமை வாய்ந்த கச்சேரி ரோடு ஜும்ஆ மஸ்ஜித் உள்ளிட்ட பழம்பெருமை மிக்க புராதான கட்டிடங்கள் அமைந்துள்ளது. 

இதில் அமைந்துள்ள தேவாலயங்கள், கோவில்கள் உள்ளிட்ட வழிபாட்டு தளங்களுக்கு பாதிப்புகள் இல்லை என தமிழக அரசு அண்மையில் அறிவித்திருந்தது. 

இந்நிலையில் 350 வருட பாரம்பரியமிக்க கச்சேரி ரோடு ஜும்ஆ மஸ்ஜிதின் ஒரு பகுதி மெட்ரோ நான்காம் வழித்தடத்தில் பாதிப்படைவதாக அப்பள்ளியின் நிர்வாகிகள், மற்றும் ஜமாத்தார்கள் தமிழ்நாடு வக்பு வாரியத்தலைவர் எம்.அப்துல் ரஹ்மான் Ex.எம்பி அவர்களை நேரில் சந்தித்து மெட்ரோ பணிகளால் வக்பு பள்ளிக்கு ஏற்படும் இழப்பு குறித்தும், அதிலிருந்து கச்சேரி ரோடு பள்ளியை மீட்கக்கோரியும்  வாரியத்தலைவரிடம் மனு அளித்திருந்தனர்.

தமிழ்நாடு வக்பு வாரியத்தலைவர் எம்.அப்துல் ரஹ்மான், வாரிய உறுப்பினர்கள், முதன்மை செயல் அலுவலர் ரபியுல்லா உள்ளிட்டோரின் கலந்தாலோசனையில் கடந்த 27 அன்று நடைபெற்ற  வாரியக்கூட்டத்தில் மெட்ரோ அலுவலக அதிகாரிகள், கச்சேரி ரோடு ஜும்ஆ  பள்ளிவாசல் நிர்வாகிகள், வக்பு வாரிய அதிகாரிகள் ஆகியோரை விசாரித்து மெட்ரோ நிலம் எடுப்பில் இருந்து வக்பு சொத்தை மீட்க விசாரணை நடைபெற்றது. 

அக்கூட்டத்தில் எடுக்கப்பட்ட முடிவின் படி தமிழ்நாடு வக்பு வாரிய தலைவர் எம். அப்துல் ரஹ்மான் Ex.எம்பி தலைமையில் வாரிய உறுப்பினர்கள் ஆளுர் ஷாநவாஸ் எம்எல்ஏ, டாக்டர் ஹாஜா கே மஜீத் ஆகியோரை கொண்ட 3 பேர் கமிட்டி அமைக்கப்பட்டது. 

அதனடிப்படையில் தமிழ்நாடு வக்பு வாரிய தலைவர் எம். அப்துல் ரஹ்மான் Ex.எம்பி, ஆளுர் ஷாநவாஸ் எம்எல்ஏ ஆகியோர் 29.07.2022 மாலை 5 மணியளில் மெட்ரோ அதிகாரிகளால் கையகப்படுத்தப்படும் இடம் என தெரிவிக்கப்பட்ட இடங்கள், மஸ்ஜித் இடம் இல்லாமல் வேறு இடங்களை பயன்படுத்துவதற்கு சாத்தியக்கூறுள்ள இடங்கள் ஆகியவற்றை நேரில் ஆய்வு செய்தார்கள். 

கூடியிருந்த ஜமாத்தார்களும், பள்ளிவாசல் நிர்வாகிகளும் தமிழ்நாடு வக்பு வாரியத்தின் பணியினை பாராட்டி வக்பை மீட்க உதவி செய்யவேண்டுகோள் விடுத்தனர். கச்சேரி ரோடு ஜும்ஆ பள்ளியின் இடத்தை மீட்க தமிழ்நாடு வக்பு வாரியம் முழு வீச்சில் செயல்படும் என தெரிவித்த வாரியத் தலைவர் எம்.அப்துல் ரஹ்மான்  Ex.எம்பி,  பள்ளிவாசல் இடத்தை மீட்பதில் அரசின் கவனத்துக்கு உடனடியாக இப்பிரச்சனை கொண்டு செல்லப்பட்டு அனைத்து இடர்களும் கலைய முயற்சி செய்யப்படும் என்றார்.

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 30, 2022 0

அரசினர் பாலிடெக்னிக் கல்லூரியில் நேரடியாக விண்ணப்ப பதிவு

திருச்சி மாவட்ட ஆட்சியர் தகவல் 


திருச்சிராப்பள்ளி துவாக்குடிமலை அரசினர் பாலிடெக்னிக் கல்லூரியில் முழுநேரம் மற்றும் பகுதிநேரம் முதலாமாண்டு சேர்க்கைக்கான 2022-2023-ஆம் கல்வி ஆண்டில் நீட்டிக்கப்பட்ட சேர்க்கைக்கு கீழ்கண்ட பாடப்பிரிவுகளில் காலியாக உள்ள இடங்களுக்கு 10-ஆம் வகுப்பு தேர்ச்சி பெற்ற மாணவ - மாணவிகள் கல்லூரியில் நேரடியாக விண்ணப்ப பதிவு செய்து பயன்பெறலாம். 

முதல் சுழற்சி (காலை 8 மணி முதல் மாலை 3.30 மணி வரை) பாடப்பிரிவுகள்: சிவில்சிவில் / மெக்கானிக்கல் / எலக்ட்ரிக்கல் / எலட்ரானிகஸ் / கம்ப்யூட்டர் மற்றும் சுகர் டெக்னாலஜி பயிலவும், இரண்டாம் சுழற்சி (காலை 10 மணி முதல் மாலை 5.30 மணி வரை) பாடப்பிரிவுகள் : சிவில் (தமிழ் வழி) / மெக்கானிக்கல் (தமிழ் வழி) / எலக்ட்ரிக்கல் / எலட்ரானிக்ஸ் மற்றும் கம்ப்யூட்டர் பிரிவுகளில் பயிலவும்,

மேலும் பகுதி நேர பாடப்பிரிவுகளில் சிவில் மற்றும் எலக்ட்ரிக்கல் பயில இருபாலருக்கும் தனித்தனியாக விடுதி வசதிகளும் உள்ளது. விண்ணப்பக் கட்டணம் : 150/- செலுத்தி விண்ணப்பங்களை பெற்றுக் கொள்ளலாம். SC/ST பிரிவினருக்கு விண்ணப்பக் கட்டணம் இலவசம்.

முழுநேர பட்டயப் படிப்புக்கு கல்லூரிக் கட்டணம் வருடத்திற்கு ரூ.2,112/- மட்டுமே. தமழக அரசின் இலவச பேருந்து பயண அட்டை / கல்வி உதவித் தொகை போன்ற சலுகைகளை மாணவர்கள் பெறலாம். மேலே குறிப்பிட்டுள்ள பாடப் பிரிவுகளில் நிரப்பப்படாமல் உள்ள இடங்களின் இனசுழற்சி அடிப்படையில் மட்டுமே சேர்க்கை நடைபெறும்.

மேலும் விபரங்ளுக்கு 0431-2552226 மற்றும் 98438 63477 என்ற அலைபேசி எண்ணை தொடர்பு கொள்ளலாம். கல்வி பயில விருப்பமுடைய மாணவ, மாணவிகள் இந்த வாய்ப்பினை பயன்படுத்திக் கொள்ளுமாறு மாவட்ட ஆட்சித்தலைவர் தெரிவித்துள்ளார்.

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 30, 2022 0

சமூக, அரசியல், பொருளாதார மற்றும் மதரீதியாக இந்தியாவில் முஸ்லிம்கள் சந்தித்து வரும் பிரச்சினைகளுக்கு தீர்வுகாண எடுக்கப்பட்ட நடவடிக்கைகள் என்ன?

 மக்களவையில் கே.நவாஸ்கனி எம்.பி. கேள்வி


புதுடெல்லி, ஜூலை. 29-

இந்தியாவில் முஸ்லிம் கள் சந்தித்து வரும் பிரச் சினைகளுக்கு தீர்வுகாண ஒன்றிய அரசு எடுத்துள்ள நடவடிக்கைகள் என்ன? என்பது உள்ளிட்ட பல்வேறு கேள்விகளை இந்திய யூனியன் முஸ்லிம் லீக் மாநில துணைத்தலைவரும், இராமநாதபுரம் நாடாளுமன்ற உறுப்பினருமான கே.நவாஸ் கனி மக்களவையில் கேள்வி எழுப்பியுள்ளார்.

அந்த கேள்விகளின் (நட்சத் திர குறியிடப்படாத கேள்வி எண். 723) விவரம் வருமாறு:-

சிறுபான்மை விவகாரங் கள் அமைச்சர் பின்வரும் கேள்விகளுக்கு பதில் அளிப்பாரா?

(அ) சமூக, அரசியல், பொருளாதார மற்றும் மத அடிப்படையில் இந்திய முஸ்லிம்கள் சந்தித்து வரும் பிரச்சினைகளை கையாள பல்வேறு சிறப்பு நடவடிக்கைகள் எடுப்பது அவசியம் என்பதை ஒன்றிய அரசு ஒப்புக்கொள்கிறதா?

(ஆ) அப்படியானால் இந்த சமுதாயத்தைப் பாதிக்கும் பிரச்சினைகளை அடையாளம் கண்டு ஆய்வு செய்வதற்காக ஒன்றிய அரசு எடுத்து வரும் நடவடிக்கைகள் குறித்த விவரங்கள் மற்றும் இந்த பிரச்சினைகளுக்கு ஆக்கப்பூர்வமான தீர்வுகள் காணப்பட வேண்டும் என்று விரும்புகிறேன். இது சமுதாயத்துக்கும் மற்றும் நாட்டுக்கும் நல்லதாகும்.

இந்த கேள்விகளுக்கு சிறுபான்மை விவகாரங்கள் அமைச்சர் ஸ்மிருதி சுபீன் இரானி 21-07-2022 அன்று எழுத்துப்பூர்வமாக அளித்த பதில் வருமாறு:-

(அ) மற்றும் (ஆ) முஸ்லிம்கள் உள்பட சமுதாயத்தின் அனைத்து பிரிவு மக்களின் நலம் மற்றும் வளர்ச்சிக்காக ஒன்றிய அரசு பல்வேறு திட்டங்களை அமல்படுத்தியுள்ளது. பிரதான் மந்திரி ஜன் ஆரோக்கிய யோஜனா (PMJAY),  பிரதான் மந்திரி முத்ரா யோஜனா (PMMY),  பிரதான் மந்திரி கிஸான் சம்மன் நிதி (PM KISAN),  பிரதான் மந்திரி உஜ்வாலா யோஜனா (PMUY), பிரதான் மந்திரி ஆவாஸ் யோஜனா (PMAY), பேட்டி பச்சோ பேட்டி பாதோ யோஜனா போன்றவை உள் ளிட்ட பல்வேறு திட்டங்களை அரசு அமல்படுத்தி வருகிறது. வேலைவாய்ப்பு மற்றும் கல்வி நிறுவனங்களின் 10 சதவீத இடஒதுக்கீட்டு சலுகையை பொருளா தாரத்தால் நலிவுற்ற பிரிவைச் சேர்ந்த சிறுபான்மையினரும் பயன்படுத்திக் கொள்ளலாம்.

மேலும், முஸ்லிம்கள் உள்பட சிறுபான்மையினர் என்று அறிவிக்கப்பட்ட அனைத்துப் பிரிவையும் சேர்ந்த பொருளாதாரத்தால் நலிவுற்ற மற்றும் அடித்தட்டு மக்களின் வாழ்க்கைத் தரத்தை மேம்படுத்துவதற்காக கல்வியில் அதிகாரம் அளித்தல், வேலைவாய்ப்பு சார்ந்த திறன் மேம்பாடு,  அடிப்படை கட்டமைப்பு வசதி ஆதரவு உள்ளிட்ட பல்வேறு நடவடிக்கைகளை அமல்படுத்துவதன் வாயிலாக பல்முனை வியூகங்களை சிறுபான்மையினர் விவகாரங் கள் அமைச்சகம் எடுத்துள்ளது. 

(அ) கல்வியில் அதிகாரம் அளிக்கும் திட்டங்கள்:

(1) நேரடியாக சலுகைகளை மாற்றுதல் முறையில் மாணவர்களுக்கு கல்வியில் உரிமைகளை அளிப்பதற்கான ப்ரீ - மெட்ரிக் ஸ்காலர்ஷிப் திட்டம், போஸ்ட் - மெட்ரிக் ஸ்காலர்ஷிப் திட்டம், தகுதி மற்றும் திறமை அடிப்படையிலான கல்வி உதவித்தொகை திட்டம்.

(2) மௌலானா ஆசாத் தேசிய கல்வி உதவித்தொகை திட்டம் (ஃபெல்லோஷிப் திட்டம்) - நிதி உதவி வடிவில் கல்வி உதவித்தொகைகள் அளித்தல்.

(3) நயா சவேரா இலவச பயிற்சி மற்றும் அதனுடன் இணைந்த திட்டம் - தொழில்நுட்ப மற்றும் மருத்துவ கல்விகளில் சேருவதற்கான  நுழைவுத் தேர்வுகள் மற்றும் பல்வேறு போட்டித் தேர்வுகளில் தகுதி பெறுவதற்காக சிறுபான்மையினர் சமூகத்தைத் சேர்ந்த மாணவர்கள் மற்றும் அபேச்சகர்களுக்கு இலவச பயிற்சி அளிப்பது இந்த திட்டத்தின் நோக்கம்.

(4) பதோ பர்தேஸ் - வெளிநாடுகளில் உயர் கல்வி படிக்க கல்விக் கடன்களுக்காக சிறுபான்மை இனத்தைச் சேர்ந்த மாணவர்களுக்கு வட்டி மானியம் அளிக்கும் திட்டம்.

(5) நைவுடான் - யூனியன் பப்ளிக் சர்வீஸ் கமிஷன் (UPSC),  மாநில அரசு பணியாளர் தேர்வாணையம் (PSC), ஸ்டாப் செலக்ஷன் கமிஷன் (SSC) போன்றவற்றால் நடத்தப்படும்  ஆரம்ப தேர்வுகளில் (Prilims) வெற்றிபெற மாணவர்களுக்கு உதவி அளிக்கும் திட்டம்.

(ஆ) வேலைவாய்ப்பு சார்ந்த திட்டங்கள்:

(6) சீக்கோ அவு கமாவோ - 14-35 வயதுக்குட்பட்ட இளைஞர்களுக்கு திறன் மேம்பாட்டு திட்டம்.

வேலை வாய்ப்புகள் அளித்தல் மற்றும் ஏற்கனவே பணிபுரிந்து வருபவர்களின் வேலை செய்யும் திறனை அதிகரித்தல், பள்ளிப்படிப்பை இடையில் நிறுத்திய மாணவர்கள் போன்ற வர்களுக்கு வேலைவாய்ப்பு வழங்குதல் இந்த திட்டத்தின் நோக்கமாகும்.

(7) வேலைவாய்ப்புகளை அளித்தல், கலைப்பொருட்கள் மற்றும் கைவினைப் பொருட்களை சந்தைப் படுத்துதல் ஆகியவற்றுக்காக நாடு முழுவதும்  பாரம்பரிய கலைகள் / கைவினைப் பொருட்கள் மேம்பாட்டில் திறன் மேம்பாடு மற்றும் பயிற்சி அளித்தல் (USTTAD) மற்றும் ஹுனார் ஹாத் ஆகியவை அமைக்கப்பட்டு வருகின்றன.

(8) நை மன்ஸில் - பள்ளிப் படிப்பை இடையில் நிறுத்தியவர்களுக்கு முறைசார் பள்ளிக் கல்வி மற்றும் திறன் அளிக்கும் திட்டம்

(9) நை ரோஸினி-   சிறு பான்மை சமுதாயத்தைச் சேர்ந்த பெண்களின் தலைமைத் துவத்தை மேம்படுத் துவதற்கான திட்டம் இது.

(உ) உள்கட்டமைப்பு மேம்பாட்டு திட்டம்:

(10) நாட்டில் அடையாளம் காணப்பட்ட பகுதிகளில் உள்கட்டமைப்பு வசதியை அளிப்பதற்காக பிரதான் மந்திரி ஜன்விகாஸ் காரியாக் ராம் (PMJKR) திட்டம் அமல் படுத்தப்பட்டு வருகிறது. இந்த திட்டம் தொடங்கப் பட்டதிலிருந்து அமைச்சகம் 49 பட்டப் படிப்பு கல்லூரிகள், 179 உறைவிடப் பள்ளிகள், 3,016 பள்ளிக் கட்டடங்கள், 42,269 கூடுதல் வகுப்பு அறைகள் / நூலகங்கள் / சோதனைக் கூடங்கள்,அறைகள் போன் றவை, 15,659 ஆசிரியர்கள் உதவி மற்றும் நவீன வகுப்பு அறைகள், பள்ளிகளில் 7,452 கழிப்பறைகள், 1,393 விடுதிகள், 28 பணிபுரியும் மகளிருக்கான விடுதிகள், 207 ஐ.டி.ஐ. கட்டடங்கள் மற்றும் 41 ஐ.டி.ஐ.களில் கூடுதல் வசதிகள், 56 பாலிடெக்னிக்குகள், 84 திறன் மையங்கள் / ஹுனார் ஹப்ஸ், 6,016 சுகாதாரத் திட்டங்கள், 591 சத்பவ் மண்டபங்கள் / பொதுச்சேவை மையங்கள், 610 மார்க்கெட் செட்டுகள், 3,100 சுகாதார / பொது கழிப்பறை திட்டங்கள், 92 விளையாட்டு அரங்குகள் போன்றவை உள்ளிட்ட 49 ஆயிரத்துக்கும் மேற்பட்ட பெரிய திட்டங்களுக்கு இந்த அமைச்சகம் அனுமதி அளித்துள்ளது.

இந்த அமைச்சகத்தின் வலைதளத்திலிருந்து (www.minorityaffairs.gov.in)  மேற்குறிப்பிடப்பட்ட வரிசை எண். 1 முதல் 10 வரையிலான திட்டங்களைப் பற்றிய விவரங்கள் மற்றும் அவை எந்த அளவிற்கு செயல்படுத்தப் பட்டுள்ளது என்பது குறித்த நிலையை தெரிந்து கொள்ளலாம்.


நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 30, 2022 0

 இஸ்லாமியர்கள் ஒன்றிணைந்து புதர்மன்றி கிடந்த சுடுகாட்டை பூங்காவா மாற்றப்பட்டது




மதுரை சக்கிமங்கலத்தில் இந்துக்களுக்கான சுடுகாடு புதர் மண்டி காணப்பட்ட நிலையில் காலையில் இஸ்லாமியர்கள் ஜேசிபி இயந்திரத்துடன் சுடுகாட்டை சுத்தம் செய்தனர் இதனைத் தொடர்ந்து மாலையில் சுடுகாட்டை சுற்றி மரக்கன்றுகள் நடப்பட்டது இது முழு ஏற்பாடும் மதுரை வடக்கு மாவட்ட SDPI கட்சியின்  சொந்த நிதியாகும் இதை கண்ட பொதுமக்கள் பலரும் இஸ்லாமிய சகோதரர்களை பாராட்டி வருகின்றனர் இந்த நிகழ்ச்சியில் கிளை தலைவர் மாவட்ட செயற்குழு உறுப்பினர் சீனி சிக்கந்தர் செயலாளர் ஜாபர் சாதிக் கலந்து கொண்டார்


நமது நிருபர். சென்னை ஷேக் அப்துல்லா

Read more »
no image

நேரம் ஜூலை 30, 2022 0

மதுரையில் 5000ரூபாய் லட்சம் பெற்ற நிலஅளவையரை கையும் களவுமாக பிடித்த லஞ்ச ஒழிப்பு போலீசார்



மதுரை முனிச்சாலை பகுதியை சேர்ந்த ரமேஷ் என்பவருக்கு  சொந்தமான நிலத்தின் சர்வே நம்பரை மாற்ற மதுரை மாவட்ட ஆட்சியர் அலுவலக வளாகத்தில் இயங்கி வரும் மதுரை தெற்கு வட்டாட்சியர் அலுவலக நில அளவையரை சந்தித்து கோரிக்கை விடுத்துள்ளார்.

இதனை அடுத்து நில அளவையர் முத்துப்பாண்டி தனக்கு 5 ஆயிரம் ரூபாய் லஞ்சமாக ரமேஷிடம் கேட்டுள்ளார். இதனை அடுத்து  ரமேஷ் மதுரை லஞ்ச ஒழிப்பு காவல்துறைக்கு புகார் அளித்துள்ளார்.

புகாரின் அடிப்படையில் லஞ்ச ஒழிப்பு காவல்துறையினர் அறிவுறுத்தலின்படி ரசாயனம் தடவிய ரூபாய் நோட்டை தெற்கு தாலுகா அலுவலகத்தில் சர்வேயர் முத்துப்பாண்டி இடம் கொடுத்துள்ளார். இதனை அடுத்து கையும் களவுமாக லஞ்ச ஒழிப்பு துறை போலீசார் முத்துப்பாண்டியை பிடித்து விசாரணை நடத்தி வருகின்றனர்.

நமது நிருபர். சென்னை ஷேக் அப்துல்லா

Read more »

நேரம் ஜூலை 30, 2022 0

தமுமுக மமக உறுப்பினர்கள் சேர்க்கை முகாம்


தென்சென்னை மாவட்டம் மேற்கு விருகை பகுதிக்குட்பட்ட  எம் ஜி ஆர் நகர் கிளையில் தமுமுக மமக உறுப்பினர்கள் சேர்க்கை முகாம்.நடைபெற்றது.

Read more »

நேரம் ஜூலை 29, 2022 0

 திருச்சியில் மாநில அளவிலான துப்பாக்கி சுடுதல் போட்டியில் வென்றவர்களுக்கு பரிசளிப்பு




திருச்சி மாநகரம் கே.கே.நகர், மாநகர ஆயுதப்படை வளாகத்தில் அமைந்துள்ள திருச்சி ரைபிள் கிளப் கடந்த 31.12.2021 முதல் செயல்பட்டு வருகிறது. இந்திய ரைபிள்சங்கத்தின் கீழ் செயல்பட்டு வரும் இந்த ரைபிள் கிளப்பில் 47-வது மாநில அளவிலான துப்பாக்கி சுடுதல் சாம்பியன்ஷிப் போட்டி பிஸ்டல் மற்றும் ரைபிள் துப்பாக்கி சுடுதல் பிரிவுகளில் 24.07.2022-ந்தேதி முதல் நடைபெற்றுவருகிறது.

தமிழகம் முழுவதும் துப்பாக்கி சுடுதலில் பயிற்சி பெற்ற சுமார் 1300 போட்டியாளர்கள் கலந்து கொள்ளும் இப்போட்டியானது திருச்சி ரைபிள் கிளப்பில் முதல் முறையாக நடத்தப்பட்டு வருகிறது. இப்போட்டியில் 10 மீட்டர், 25 மீட்டர் மற்றும் 50 மீட்டர் சுடுதளத்தில் துப்பாக்கி சுடுதல் போட்டிகளில் சிறியவர்கள் இளைஞர்கள், முதியவர்கள், என தரம் பிரிக்கப்பட்டு சப்யூத் (16 வயது வரை), யூத் (19 வயது வளர) ஜீனியர் (21 வயது வரை) சீனியர் (21முதல் 45 வரை), மாஸ்டர் (45 வயது முதல் 60 வயது வரை) மற்றும் சீனியர் மாஸ்டர் ( 60 வயதுக்கு மேல்) தனித்தனியாக பல்வேறு பிரிவுகளில் கலந்து கொண்டனர்.

24.07.2022-ந் தேதி முதல் பிஸ்டல் துப்பாக்கி சுடும் போட்டியில் பங்குபெற்றவர்களில் வெற்றி பெற்றவர்களுக்கு இன்று 28.07.2022-ந்தேதி பரிசுகள் வழங்கப்பட்டது.இந்த பரிசு வழங்கும் நிகழ்ச்சியில் சிறப்பு விருந்தினராக ஓய்வுபெற்ற காவல்துறை இயக்குனர் W.I.தேவாரம்,திருச்சி மாநகர காவல் ஆணையர்  G.கார்த்திகேயன், ,மத்திய மண்டல காவல்துறை தலைவர் சந்தோஷ்குமார், திருச்சி ரைபிள் கிளப் ஒருங்கிணைப்பு செயலாளர் செந்தூர்செல்வன் மற்றும் நிர்வாக குழு உறுப்பினர் இனமுருகன் மற்றும் கிளப்பின் தலைமை அதிகாரி சந்திரமோகன் ஆகியோர்கள் கலந்து கொண்டனர்.

இப்போட்டியில், வெற்றிபெற்ற 56 நபர்களுக்கு தங்கம் பதக்கமும், 55 நபர்களுக்கு வெள்ளி பதக்கமும், 51 நபர்களுக்கு வெண்கலம் பதக்கமும், ஆகமொத்தம் 162 வெற்றிபெற்றவர்களுக்கு பதக்கங்கள் வழங்கி சிறப்பிக்கப்பட்டது.

மேலும் 29.07.2022-ந்தேதி முதல் 31.07.2022-வரையில் ரைபிள் துப்பாக்கி சுடும் போட்டி நடைபெற்று இறுதி நாளில் வெற்றி பெறுவர்களுக்கு பதக்கங்கள் வழங்கப்படும்.


நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 29, 2022 0

மதுரை தெற்கு மாவட்ட  எஸ்டிபிஐ கட்சி ஆர்ப்பாட்டம்

"தமிழக அரசே,மின் கட்டண உயர்வு முடிவினை கைவிடு,மாதம்தோறும் மின் கட்டணம் செலுத்தும் முறையை அமல்படுத்து" என வலியுறுத்தி எஸ்டிபிஐ கட்சியின் மாநிலம் தழுவிய சிமினி விளக்கேற்றி கண்டன ஆர்ப்பாட்டம் நடைபெற்று வருகிறது.

அதன் ஒரு பகுதியாக மதுரை தெற்கு மாவட்டம் எஸ்டிபிஐ கட்சியின் சார்பாக மதுரை தினமணி தியேட்டர்& முனிச்சாலை சந்திப்பு அருகே இன்று 29-07-2022 வெள்ளிக்கிழமை காலை  கண்டன ஆர்ப்பாட்டம் நடைபெற்றது.

இதற்கு எஸ்டிபிஐ கட்சியின் தெற்கு மாவட்ட தலைவர் சீமான் சிக்கந்தர் தலைமை வகித்தார்.மதுரை தெற்கு மாவட்ட செயலாளர் ஆரிப்கான் வரவேற்புரை ஆற்றினார்.


மேலும்,இதில் அப்துல் ஹமீது (மாநில துணைத் தலைவர்,எஸ்டிபிஐ கட்சி),காஜாமைதீன் - மாநில பேச்சாளர்,(பாப்புலர் ஃப்ரண்ட் ஆஃப் இந்தியா) சிராஜு நிஷா (மாவட்ட செயற்குழு உறுப்பினர், நேஷனல் உமன் ஃபிரண்ட்) ஆகியோர் கண்டன உரையாற்றினார்.இறுதியாக தெற்கு தொகுதி செயலாளர் எம் பி பாஷா அவர்கள் நன்றியுரை ஆற்றினர்.


இதில் பொதுமக்கள் திரளாக கலந்து கொண்டு மின் கட்டண உயர்வுக்கு எதிராக கண்டன கோசங்கள் எழுப்பினர்.


நமது நிருபர். சென்னை ஷேக் அப்துல்லா

Read more »

நேரம் ஜூலை 29, 2022 0

கல்விதான் யாராலும் திருட முடியாத சொத்து - மு.க.ஸ்டாலின்


கல்விதான் யாராலும் திருட முடியாத சொத்து. படிப்புக்கு மட்டும் எத்தகைய தடைக்கல்லும் இருக்கக்கூடாது என்று நினைக்கிறோம். ‘திராவிட மாடல்’ தமிழ்நாடு அரசானது, ''கல்விக் கண்ணை திறப்பதையே பெரும்பணியாக கொண்டு செயல்பட்டு வருகிறது” என முதலமைச்சர் மு.க.ஸ்டாலின் தெரிவித்துள்ளார்.


நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 29, 2022 0

 கட்டளை மேட்டு வாய்க்கால் கரை உடைப்பு - ஆட்சியர் பிரதீப் குமார் நேரில் சென்று ஆய்வு



திருச்சி திருவெறும்பூர் கும்பக்குடி உள்ளிட்ட பகுதிகளுக்கு கட்டளை மேட்டு வாய்க்காலில் விவசாய நிலங்களுக்கு பயிர் சாகுபடிக்காக தண்ணீர் திறந்து விடப்பட்டுள்ளது இந்நிலையில் கட்டளை மேட்டு வாய்க்கால்  கரையில் உடைப்பு ஏற்பட்டது. 22 ஆயிரம் ஏக்கர் விவசாய நிலங்கள் இந்த வாய்க்காலில் வரும் நீரால்  பாசனம் பெறுகிறது.

கரை உடைந்த பகுதியில் திருச்சி மாவட்ட ஆட்சியர் பிரதீப் குமார் நேரில் சென்று ஆய்வு செய்தார்.கரை உடைப்பு குறித்து நீர்வளத்துறை  அதிகாரிகளிடம் ஆலோசனையில் ஈடுபட்டார்.பின்னர்  ஆட்சியர் தெரிவித்த போது மதியத்திற்குள் இந்த கரை உடைப்பு சரி செய்யப்படும்.

விவசாயிகள்கவலை கொள்ள வேண்டாம். 22,000 ஏக்கர் விவசாய நிலங்கள் இதன் மூலம் பயன் பெறுவதால் கரை உடைப்பு சரி செய்வதற்கான பணி நீர்வளத்துறை அதிகாரிகள் தற்போது தொடங்கியுள்ளனர்.

தற்பொழுது கரை உடைந்து தண்ணீர் புதுக்கோட்டை மாவட்டம் பிடாரி ஏரிக்கு சென்று கொண்டிருப்பதாக குறிப்பிட்டார்

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 29, 2022 0

திருச்சி மாநகரில் 101 பேர் குண்டர் சட்டத்தில் கைது

திருச்சி மாநகரில் 20 ஆண்டுகளில் இல்லாத வகையில் கடந்த 7 மாதங்களில் 101 பேர் குண்டர் சட்டத்தில் கைது


திருச்சி மாநகரில் கடந்த 20 வருடங்களில் இல்லாத வகையில் இந்த வருடம் ஏழே மாதங்களில் பொது அமைதிக்கு குந்தகம் விளைவித்ததாக 80 நபர்கள் மீதும், மருந்து சரக்கு குற்றவாளிகள் 11 நபர்கள் மீதும், பெண்கள் மற்றும் குழந்தைகளுக்கு பாலியல் தொல்லை கொடுத்ததாக 4 நபர்கள் மீதும், இளம்பெண்களை பாலியல் தொழிலில் ஈடுபடுத்திய 4 நபர்கள் மீதும், பெண்களை ஆபாசமாக மிரட்டி பணம் பறித்த வழக்கில் 1 நபர் மீதும், கள்ளசந்தையில் ரேசன் அரிசியை கடத்தியதாக 1 நபர் மீதும் ஆக திருச்சி மாநகரத்தில் இந்த ஆண்டு இதுவரையில் மொத்தம் 101 நபர்கள் அதிரடியாக குண்டர் தடுப்பு காவல் சட்டத்தின் கீழ் கைது செய்து சிறையில் அடைக்க திருச்சி மாநகர காவல் ஆணையர் ஆணையிட்டுள்ளார்.


திருச்சி மாநகரத்தில் சட்டம் ஒழுங்கை நிலைநாட்டும் பொருட்டு எடுக்கப்பட்ட பல்வேறு நடவடிக்கை காரணமாக கடந்த ஆண்டை விட,நடப்பாண்டில் கொலை மற்றும் குற்றச்சம்பவங்கள் வெகுவாக குறைந்துள்ளது.


திருச்சி மாநகரத்தில், சட்டம் ஒழுங்கை பேணிக்காக்கவும், சட்ட விரோதமாக செயல்களில் ஈடுபடும் ரவுடிகள், கெட்ட நடத்தைக்காரர்கள், வழிப்பறி குற்றச்சம்பவங்கள் மற்றும் சமூகவிரோதிகளை கண்டறிந்து, அவர்கள் மீது சட்டரீதியான கடுமையான நடவடிக்கைகளை தொடர்ந்து மேற்கொள்ளப்படும் என திருச்சி மாநகர காவல் ஆணையர் ‌ தெரிவித்துள்ளார்.

நமதுநிருபர்- M.முஹம்மது நியாஸ் - .திருச்சி

Read more »

நேரம் ஜூலை 28, 2022 0

திருச்சி, கேகே நகரில் மாலை நேர

உழவர் சந்தை துவக்கம்




விவசாயிகள் மற்றும் நுகர்வோர் நேரடியாக பயன் பெறுவதற்காக, மறைந்த முதல்வர் கலைஞர் அவர்களால் துவங்கப்பட்ட பொன்னான திட்டமானது உழவர்சந்தை, திருச்சிராப்பள்ளி மாவட்டத்தில் அண்ணாநகர், கே.கே.நகர், முசிறி, துறையூர், திருவெறும்பூர்,இலால்குடி மற்றும் மணப்பாறை என மொத்தம் ஏழு உழவர் சந்தைகள் அமைக்கப்பட்டு சிறப்பாக செயல்பட்டு வருகிறது. இவை அனைத்தும் காலை 5மணி முதல் பிற்பகல் 1மணி வரை செயல்பட்டு வருகிறது.

இந்த சந்தைக்கு வரும் விவசாயிகள் சரக்கு கட்டணம் ஏதும் இன்றி உழவர் சந்தைக்கு இயக்கப்படும் அரசு பேருந்துகள் மூலம் தங்களது விளைநிலங்களில் இருந்து விளைபொருட்களை இடைத்தரகர்கள் இன்றி, சில்லரை விலையை விட 15% குறைவாகவும், மொத்த விலையை விட 20% அதிகமாகவும் விற்று பயனடைந்து வருகின்றனர்.

மாவட்டத்தில் ஒரு உழவர் சந்தை மாலை நேரத்தில் இயங்கும் என்ற உழவர் நலத்துறை அமைச்சர் அவர்களின் நிதிநிலை அறிவிப்பை தொடர்ந்து திருச்சிராப்பள்ளி மாவட்டத்தில் கேகே நகர் உழவர்சந்தையில் மாலை நேரத்திலும் மாலை 4மணி முதல் இரவு 8மணி வரை 28.07.2022 முதல் செயல்படுகிறது.

28.07.2022 அன்று மாலை நேர உழவர்சந்தையை கேகே நகரில் துணை இயக்குநர்(வேளாண் வணிகம்) திருச்சி அவர்கள் துவங்கி வைத்தார். நிகழ்ச்சியில் வேளாண்மை அலுவலர்கள்,உதவி வேளாண்மை அலுவலர்கள், விவசாய ஆர்வலர்குழு உறுப்பினர்கள், உழவர் உற்பத்தியாளர் நிறுவன உறுப்பினர்கள், விவசாயிகள், பொதுமக்கள் ஆகியோர் கலந்து கொண்டனர்.

மாலை சந்தையில் உழவர் உற்பத்தியாளர் நிறுவனம் மற்றும் மகளிர் சுய உதவிக் குழுக்களின் தயாரிப்புகளான பாரம்பரிய அரிசி வகைகள், மரசெக்கு எண்ணெய், சிறுதானிய பொருட்கள்,பயறு வகை,சுண்டல் மற்றும் மதிப்பு கூட்டப்பட்ட காளான் பொருட்கள்,நாட்டு கோழி முட்டை ஆகியவை தரமானதாகவும் விலை மலிவாகவும் கிடைக்கும்.

எனவே மாலை நேர உழவர் சந்தைக்கு அனைவரும் வருகை புரிந்து பயன்பெற துணை இயக்குநர்(வேளாண் வணிகம்)திருச்சி கேட்டுக்கொண்டார்.

நமதுநிருபர்- M.முஹம்மது நியாஸ் - .திருச்சி



Read more »

நேரம் ஜூலை 28, 2022 0

 புதிய நூலகத் திறப்பு விழா

திருச்சி மாவட்ட ஆட்சியர் பிரதீப் குமார்

திறந்து வைத்தார்.


திருநெடுங்குளம் ஊராட்சி பகுதியில் ரோட்டரி கிளப் மற்றும் பிரம்மா திருச்சி ஸ்டார்ஸ் இணைந்து அமைக்கப்பட்ட நூலகத்தை 28/7/2022 இன்று காலை திருச்சி மாவட்ட ஆட்சியர் பிரதீப் குமார் திறந்து வைத்தார்.
திறந்து வைத்து விட்டு பேசிய மாவட்ட ஆட்சியர் நூலகத்தை அமைத்த ரோட்டரி கிளப் உறுப்பினர் அனைவருக்கும் தனது வாழ்த்துக்களை தெரிவித்தார். இதுபோல் அனைத்து ஊராட்சிகளிலும் தாங்கள் செயல்படுத்திட கோரிக்கை தெரிவித்தார்.

மேலும் மாணவர்களை இந்த நூலகத்தை பயன்படுத்தி தங்கள் வாழ்வில் முன்னேற வேண்டும் என்று தெரிவித்தார்.இந் நூலகத்தில் அனைத்து அரசு தேர்விற்கான அனைத்து புத்தகங்கள் இடம் பெற்றுள்ளன.

இந்நிகழ்வில் முன்னாள் சட்டமன்ற உறுப்பினர்  கே என் சேகரன்,கே எஸ் எம்.கருணாநிதி,ஒன்றிய கவுன்சிலர் பழனியப்பன் திருவெறும்பூர் வட்டார வளர்ச்சி அலுவலர்,வட்டார வளர்ச்சி துணை அலுவலர்,மற்றும் ஊராட்சி மன்ற தலைவர் ஸ்ரீநிதி சதீஷ்குமார் துணைத் தலைவர்,வார்டு உறுப்பினர்கள் கலந்து கொண்டனர்.

நமதுநிருபர்- M.முஹம்மது நியாஸ் - .திருச்சி





Read more »

நேரம் ஜூலை 28, 2022 0

 சார்ஜாவில் கடும் மழை

வெள்ளம் கரைபுரண்டு ஓடுகிறது..






Read more »
இதற்கு குழுசேர்: இடுகைகள் (Atom)